Вы тут

Песню бярыце з сабою. «Маці, матуля, мама»


Дарагія беларусачкі! Са святам вас 8 Cакавіка!

Няхай ваша жыццё будзе як песня — прыгожае, шчаслівае, светлае. Здароўя, дабрабыту і кахання.


«Маці, матуля, мама»

Вершы — Валянціна Гіруць-Русакевіч.

Музыка — Яўген Ксяневіч.

Куплет 1:

Мне б да цябе спяшацца хуткакрыла,

Ды крылы тыя падразае час...

Спатоліцца б святлом усмешкі мілай

І прыхінуцца ціха да пляча.

Прыпеў:

Маці, матуля, мама —

Першае слова самае,

Цёплае і лагоднае,

Найдарагое, роднае.

Маці, матуля, мама,

Хай і цябе таксама

Дзеці цяплом атуляць —

Мамачку, маму, матулю.

Куплет 2:

Ў галінках бэзу пад акенцам вецер

Табе хай перашэптвае-пяе,

Матуля, мама, лепшая на свеце,

Ўсе словы найласкавыя мае.

Прыпеў.

Куплет 3:

Жыццё гады, як пацеркі, нанітвае,

І сёння з пакаяннем гавару:

За ўсе, што без спатканняў нашых, дні твае —

Даруй, матуля любая, даруй.

Прыпеў.

Рубрыку вядзе Яўген Ксяневіч

evgenyksenevіch@gmaіl.com

Выбар рэдакцыі

Культура

Што паглядзець у Нацыянальным мастацкім музеі

Што паглядзець у Нацыянальным мастацкім музеі

Вiдавочна, што пакуль былi зачыненыя музеi, гледачы засумавалi па «жывой» сустрэчы з карцiнамi.

Культура

75 гадоў таму адкрылася першая экспазiцыя музея Янкi Купалы

75 гадоў таму адкрылася першая экспазiцыя музея Янкi Купалы

Давайце з нагоды пачэснага юбiлею пройдземся па залах музея, у кожнай з якiх свае цiкавосткi.