Вы тут

Адзіная ў краіне галерэя піраграфіі адкрылася ў Жодзіне


«Экаарт», маляванне агнём, альбо, прасцей кажучы, выпальванне па дрэве: у Жодзінскай карціннай галерэі ў лютым пачала працаваць новая выставачная зала — піраграфіі. На сёння яна першая і адзіная ў Беларусі.


Фота: zhkm.by

У экспазіцыю ўвайшлі 16 работ, а таксама прылады, якімі карыстаўся пры іх стварэнні майстар піраграфіі Ігар Каперскі. Трэнер па самба і дзюдо СДЮШАР Ігар Уладзіміравіч больш за 35 гадоў аддаў свайму творчаму захапленню і фактычна зрабіў яго другой прафесіяй. У асабістай калекцыі мастака помнікі архітэктуры і прыгожыя краявіды роднай зямлі, партрэты вядомых людзей, біблейскія сюжэты — звыш 70 работ. Астатнія, а іх больш за сотню, знаходзяцца ў музеях і прыватных калекцыях у Беларусі і за мяжой. Як адзначыў першы намеснік старшыні Жодзінскага райвыканкама Сяргей Конан, такое прызнанне беларускага майстра сведчыць пра запатрабаванасць гэтага кірунку мастацтва: «Ігар — чалавек, які практыкуе піраграфію і можа вучыць ёй іншых. Яго работы маюць вялікую мастацкую каштоўнасць, і для нашай пляцоўкі вялікі гонар размяшчаць іх».

Як плануецца, галерэя будзе перыядычна абнаўляцца. Ужо ў сакавіку на змену гарадскім пейзажам прыйдуць партрэты вядомых асоб — спартсменаў і трэнераў, грамадскіх і палітычных дзеячаў, людзей мастацтва, а ў перспектыве, паводле слоў дырэктара Жодзінскага краязнаўчага музея Дзмітрыя Мініча, запрашаць да ўдзелу ў выстаўцы будуць мастакоў-пірографаў з розных краін.

Вікторыя ЗАХАРАВА

Загаловак у газеце: Маляваць агнём

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.