Вы тут

У Мінску ўганаравалі маладых людзей, якія дапамаглі затрымаць злачынцаў


Нагрудныя знакі ўручыў міністр унутраных спраў Беларусі Юрый Караеў.


Не раз падчас расследавання злачынстваў міліцыя звяртацца да грамадзян з просьбай дапамагчы пазнаць чалавека па фота або паведаміць інфармацыю пра яго месцазнаходжанне. Тое ж тычыцца і паводзін на дарозе — калі кіроўца не ў зусім адэкватным стане выедзе на дарогу, то быць бядзе. А нярэдка злачынцы затрымліваюцца і па гарачых слядах. 

Так, мінулай вясной краіну абляцела навіна пра тое, як у Полацкім раёне трое сямікласнікаў дапамаглі затрымаць чалавека, які абвінавачваўся ў педафіліі. На беразе ракі яны ў хмызняку заўважылі мужчыну, у якога на каленках сядзела паўголая дзяўчынка. Ён паспрабаваў уцячы, але адзін сямікласнік пазваніў бацьку, распавёў пра тое, што здарылася, і папрасіў выклікаць міліцыю. Вось такая перадгісторыя затрымання. 

Для таго, каб аддзячыць не абыякавым да чужой бяды людзям, у панядзелак з імі на базе часці 3214 сустрэўся Міністр унутраных спраў Юрый Караеў. Шаснаццаці гасцям, якія прыехалі з усёй краіны, паказалі ўмовы, у якіх жывуць і служаць салдаты ўнутраных войскаў, зброю і тэхніку.

— Мы вырашылі ўпершыню правесці такую акцыю — запрасіць да сябе ее абыякавых да грамадскага парадку маладых людзей і ўручыць ім нашы нагрудныя знакі «За садзейнічанне», — расказаў Юрый Караеў. — А заадно і паказаць побыт спецназаўцаў. Думаем, што гэта будзе старт добрай традыцыі. Паразмаўляў падчас чаявання з хлопцам з Чачэрска. Ён дапамог у затрыманні зламысніка, які здымаў дэталі з аўтамабіляў. Я пацікавіўся — дзе служыў тэрміновую службу? 

Аказалася, што гэта ў мінулым памежнік. І прыемна, што пазіцыя «мая хата з краю» паціху сыходзіць у мінулае. Наогул, было б нядрэнна, калі б пры ўладкаванні на працу падчас сумоўя браліся б і такія акалічнасці, скіраваныя на бяспеку іншых людзей. 

Раману Л. 24 гады. Хлопец працуе слесарам у адной са сталічных фірмаў. Тры месяцы таму ў цэнтры Мінска ён заблакаваў праезд кіроўцу, які быў у стане алкагольнага ап’янення, і ўтрымліваў яго да прыбыцця супрацоўнікаў ДАІ. 

— Гэта адбылося на ажыўленым скрыжаванні вуліц Магілёўскай і Жукоўскага. У нядзелю ўвечары я вяртаўся дадому і ўбачыў, што аўтамабіль стаіць на аварыйцы на сустрэчнай паласе. Спярша я гэтаму не надаў значэння. І як быццам спачатку кіроўца паехаў роўна, але неўзабаве аўтамабіль пачало «штарміць». Ён рэзка разганяўся і рэзка тармазіў, ледзь не пашкодзіў два іншыя аўтамабілі. Я пад’ехаў бліжэй да яго і бачу, што стан кіроўцы не зусім нармальны. На наступным святлафоры ён спыніўся і нібы пачаў засынаць. Я стаў побач з ім, выбег, забраў ключы і выклікаў нарад ДАІ. Усё працягвалася хвілін дзесяць-пятнаццаць... Пасля аказалася, што ў крыві таго вадзіцеля было 3 праміле алкаголю. Самі разумееце, для кагосьці гэта магло скончыцца вельмі дрэнна. 

Яшчэ адзін герой — Яўген П. Ён працуе аператарам на адной з заправак. Хлопец нядаўна служыў у спецназе і прызнаецца, што дзякуючы службе стаў вельмі назіральным. Вось гэта і саслужыла яму добрую справу. У снежні мінулага года ён падчас сваёй змены прыкмеціў аднаго з пакупнікоў. Неўзабаве выдалася вольная хвілінка. Хлопец вырашыў пачытаць навіны на тэлефоне. І быў шакіраваны — той самы пакупнік глядзеў на яго з экрана прылады. Толькі знаходзіўся яго партрэт у... арыенціроўцы. Мужчыну шукалі з-за таго, што ён меў дачыненне да забойства, якое днём раней адбылося ў сталіцы. Рука Яўгена тут жа пацягнулася да тэлефона і набрала нумар «102»...

Валяр'ян ШКЛЕННІК 

Прэв'ю: 1prime.ru

Выбар рэдакцыі

Грамадства

Валанцёры супраць каранавіруса: адзін дзень з жыцця мінскага хаба ByCovid19

Валанцёры супраць каранавіруса: адзін дзень з жыцця мінскага хаба ByCovid19

Запушчаная кампанія па дапамозе медыкам ByCovid19 перарасла ў буйны «антыкаранавірусны» рух.

Культура

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Гэта была сенсацыя: у 2018 годзе быў паказаны страчаны фiльм Дзiгi Вертава.

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.