Huawei прадставіла ў Барселоне новы смартфон Huawei Mate Xs — палепшаную версію смартфона Mate X з гнуткім экранам, які выйшаў летась, перадае «Жэньмінь жыбаа» анлайн».
Прэзентацыю, падчас якой быў прадстаўлены цэлы шэраг новых распрацовак кампаніі, правёў кіраўнік спажывецкага падраздзялення Huawei CBG Рычард Ю. Кампанія не стала змяняць і без таго ўдалы дызайн папярэдніка. Корпус раскладваецца вонкі, у складзеным стане экран ахінае корпус з трох бакоў. У раскладзеным выглядзе дыяганаль дысплея складае 8 цаляў, у складзеным — 6,6 і 6,39 цалі адпаведна.
Працуе Huawei Mate Xs на васьміядзерным працэсары ўласнай вытворчасці Kirin 990, яго асаблівасцю з’яўляецца тое, што ён мае інтэграваны 5G мадэм Balong 5000, які дазваляе смартфону працаваць у сетках пятага пакалення. Аб’ём аператыўнай памяці склаў 8 Гб, пастаяннай — 512 Гб. Ёмістасць акумулятара складае 4500 мА. Працуе смартфон на Android 10 з фірмовай абалонкай EMUI 10. Камера атрымала чатыры сэнсара — асноўны на 40 Мп, тэлевік на 8 Мп, шырокавугольнік на 16 Мп і 3D ToF сенсор для вызначэння глыбіні кадра. Huawei Mate Xs паступіць у продаж па цане 2499 еўра.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
