У Брэсцкай вобласці зафіксаваныя першыя выпадкі ўкусаў людзей кляшчамі, піша БЕЛТА са спасылкай на абласны цэнтр гігіены, эпідэміялогіі і грамадскага здароўя.
Першым пацярпелым стала дзіця ў Івацэвіцкім раёне: клешч укусіў яго 4 лютага на прыватным падворку. У другой дэкадзе лютага былі зарэгістраваныя яшчэ тры выпадкі. Ад укусаў пацярпелі два дарослых жыхара абласнога цэнтра (на рыбалцы і падчас прагулкі з сабакам), а таксама шасцігадовае дзіця з Баранавіцкага раёна.
Спецыялісты адзначаюць, што актыўнасць кляшчоў захоўвалася і ў зімовыя месяцы ў сувязі з цёплым надвор'ем.
У мінулым годзе ў тэрытарыяльныя органы санэпідслужбы вобласці з нагоды ўкусаў кляшчоў звярнуліся 5 257 чалавек. Амаль трэць з іх (1 642) - дзеці. У параўнанні з 2018 годам агульная колькасць пацярпелых павялічылася на 3,8% (з 5 058 пацярпелых 1 386 - дзеці). За мінулы год даследавалі 2 054 кляшча, знятых з людзей, 853 з якіх (41%) былі інфіцыраваны ўзбуджальнікам Лайм-барэліёзу.
Прэв'ю: ohotniki.ru
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.