Вы тут

Пачаўся электронны продаж квіткоў на «Славянскі базар у Віцебску-2020»


Сёлета перад’юбілейны, 29-ы па ліку міжнародны фестываль мастацтваў пройдзе з 13 па 21 ліпеня. Першыя білеты на мерапрыемствы, якія адбудуцца ў Летнім амфітэатры і ў віцебскім Палацы спорту, паступілі ў продаж у гарадскія касы 21 лютага. А ад сёння яны дасяжныя і для ўсіх ахвотных — праз сайты і касы білетных аператараў kvitki.by i ticketpro.by. Дарэчы, па вопыту мінулага года білет на канцэрт у Летнім амфітэатры ці КЗ «Віцебск» зноў заменіць візу для замежнікаў.


Як адзначыў днямі на першай прэс-канферэнцыі дырэктар фестывалю Глеб Лапіцкі, сярэдні кошт квіткоў застанецца на леташнім узроўні — напрыклад, трапіць на ўжо традыцыйную «Уверцюру да фестывалю» можна за 30-75 беларускіх рублёў, а вось найдаражэйшымі, як і раней, застаюцца білеты на канцэрты адкрыцця і закрыцця «Славянскага базару ў Віцебску» — да 220 рублёў. Зрэшты, пры набыцці да 20 сакавіка квіткі абыдуцца танней на 10%.

Сярод цікавінак 2020 года — шоу Філіпа Кіркорава #Колернастрою, улюбёны публікай КВЗ-канцэрт каманд Вышэйшай лігі Міжнароднага саюза Клуба вясёлых і знаходлівых (у ім заяўлены каманды «Станцыя спартыўная», «Барцы. Паўночны дэсант», «Доктар Хаус», «НАТЕ» і «Напалеон дынаміт»), сольнік Валерыя Меладзе пры ўдзеле «M-Band», Альбіны Джанабаевай і невядома якога складу гурта «ВІА Гра», вяртанне начнога канцэрту «Зоркі Еўрабачання», канцэрт «Жывая музыка кіно» з удзелам артыстаў праектаў «Голас» і «Голас. Дзеці». Абяцаныя і іншыя сюрпрызы, якія арганізатары будуць раскрываць паступова, падаграваючы цікавасць публікі.

Вікторыя ЦЕЛЯШУК

Фота gck.by

Выбар рэдакцыі

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.

Грамадства

«Дзякуй за вашу працу! Вы — героі на ўсе часы!» Як працуюць з COVІD-пацыентамі дзіцячыя ўрачы

«Дзякуй за вашу працу! Вы — героі на ўсе часы!» Як працуюць з COVІD-пацыентамі дзіцячыя ўрачы

Работа дзіцячых паліклінік, гэтак жа як і дарослых, змянілася з-за распаўсюджвання каранавіруснай інфекцыі.

Грамадства

Уступленне ў дарослае жыццё — як выхад у космас

Уступленне ў дарослае жыццё — як выхад у космас

Псiхолаг тлумачыць, чаму паўза пасля заканчэння школы — не трагедыя.