Няшчасныя выпадкі адбыліся ўвечары на працягу пяці гадзін, паведамілі ў МУС.
Спачатку ў 17.35 на чыгуначнай станцыі Пухавічы цягніком Мінск — Гомель быў збіты 59-гадовы жыхар вёскі Насыцк. Затым у 19.50 недалёка ад абгоннага пункта Каранёўка ў Гомельскім раёне пад грузавы цеплавоз трапіў 61-гадовы жыхар аднайменнага пасёлка.
Каля 22.30 на прыпыначным пункце Асіна ў Дзяржынскім раёне 47-гадовы мінчанін вырашыў перайсці рэйкі перад набліжэннем пасажырскага саставу Гродна — Гомель, у выніку чаго быў ім збіты.
Па ўсіх фактах праводзіцца праверка. Устанаўліваюцца абставіны здарэння, у тым ліку фізічны стан загінулых на момант трагедыі.
З пачатку года на чыгунцы Беларусі адбылося 12 няшчасных выпадкаў, з якіх большасць скончылася для пешаходаў смяротным зыходам, удакладнілі ва ўпраўленні арганізацыі забеспячэння грамадскай бяспекі на аб’ектах транспарту МУС.
Сяргей РАСОЛЬКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
