Вы тут

У Гомелі пройдзе крэатон для старшакласнікаў “Першыя ідэі: экалогія”


29 лютага ў Гомелі адбудзецца крэатон, удзел у якім могуць узяць cтаршакласнікі з усёй Беларусі. Ён пройдзе ў рамках сацыяльна-адукацыйнага праекта “Першыя”, які рэалізуецца кампаніяй А1 пры падтрымцы арганізатараў канферэнцый TEDxMinsk.


Крэатон “Першыя ідэі: экалогія” пройдзе ў Гомельскім абласным грамадска-культурным цэнтры (вуліца Ланге, 17) 29 лютага з 11.30 да 16.00. Да ўдзелу ў ім запрашаюцца вучні 9-х, 10-х і 11-х класаў з любога рэгіёна краіны, якім цікава патрэніравацца генерыраваць ідэі, прэзентаваць іх на публіцы і атрымаць парады  ад экспертаў.

Спачатку ўдзельнікам пакажуць некалькі відэаролікаў з выступленнямі сусветна вядомых спікераў. Іх пракаментуе эксперт, які сутыкаецца з узнятымі пытаннямі ў сваёй працы штодня. Ён жа агучыць пытанне для абмеркавання. Затым школьнікі падзеляцца на каманды і калектыўна вырашаць, якія ідэі можна было б прапанаваць для дасягнення акрэсленай мэты, а пасля прэзентуюць свае задумы перад аўдыторыяй.

Па выніках абмеркавання запрошаныя эксперты па экалогіі і прадстаўнікі кампаніі А1 адзначаць самыя цікавыя ідэі, а таксама ўзнагародзяць найлепшага прамоўцу крэатона.

Спецыяльна да крэатона 29 лютага арганізатары сацыяльна-адукацыйнага праекта “Першыя” рыхтуюць пяты выпуск беларускамоўнага падкаста, госцем якога стане адзін з аўтараў праекта па перапрацоўцы пластыку Rebottle Кірыл Марыкін. Эпізод першага беларускамоўнага падкасту для моладзі, прысвечаны тэме экалогіі, выйшаў 21 лютага – у Міжнародны дзень роднай мовы. З папярэдніх выпускаў падкастаў падлеткі могуць таксама даведацца пра прамоўніцкае майстэрства, праекты ў тэатральнай сферы, карысныя інклюзіўныя ініцыятывы і тэхналагічныя распрацоўкі.

Удзел у крэатоне – бясплатны па папярэдняй рэгістрацыі

Надзея НІКАЛАЕВА

Выбар рэдакцыі

Грамадства

Нацыянальная акадэмія навук ініцыюе стварэнне народнага летапісу Вялікай Айчыннай вайны

Нацыянальная акадэмія навук ініцыюе стварэнне народнага летапісу Вялікай Айчыннай вайны

Навукоўцы звяртаюцца да кіраўніцтва абласных і раённых выканаўчых камітэтаў, устаноў адукацыі і культуры, грамадскіх арганізацый, усіх зацікаўленых грамадзян з просьбай разгарнуць работу па зборы ўспамінаў і фатаграфій удзельнікаў падзей Вялікай Айчыннай вайны.

Грамадства

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

З Леанiдам Левiным, славутым нашым архiтэктарам, мяне пазнаёмiў Генадзь Бураўкiн — яго даўнi, харошы сябра.

Грамадства

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Без мiлiцыi мы нiяк», — рэзюмаваў Прэзiдэнт Беларусi Аляксандр Лукашэнка падчас сустрэчы з мiнiстрам унутраных спраў Юрыем Караевым, маючы на ўвазе сiтуацыю з каранавiрусам. 

Грамадства

Чым сябе заняць на самаiзаляцыi?

Чым сябе заняць на самаiзаляцыi?

Урачы па ўсiм свеце запусцiлi флэшмоб #StayAtHome.