Беларускі музыкант і спявак Аляксандр Патліс зняў відэа на песню «Дамашняя», якая прысвечана сям'і. Песня са снежня 2019 года гучыць у эфіры айчынных радыёстанцый.
Здымкі кліпа праходзілі ва ўкраінскім Запарожжы — на адвалах чырвоных кар'ераў, дзе раней здабываліся абразіўныя матэрыялы, а таксама ў прыватным доме, на тэлестудыі і ў здымачным павільёне. Рэжысёр Яўген Шкаленка прапанаваў галоўную ідэю: па сюжэце музыкант у ролі касманаўта адпраўляецца на Марс, а родныя — жонка Таццяна і сын Лявон — доўгія 12 месяцаў перажываюць і чакаюць вяртання бацькі дадому... «Філасофскі сэнс кліпа ў тым, што кожны мужчына, які пакідае дом, сыходзіць, каб вярнуцца, — кажа Аляксандр Патліс, — і не важна насамрэч, куды ён сыходзіць — у космас ці ў спартзалу, майстэрню, у офіс, на завод. Галоўнае для нас, мужчын, ведаць, што цябе чакаюць».
Спецыяльна для здымак выканаўцу давялося набраць вагу — каб паказаць, што не ўсе мужчыны «за сорак» ідэальныя, што большасць звычайных сем'яў далёкая ад моднага глянцу, але гэта не істотна, калі ў доме пануюць лад, любоў і прыняцце адно аднаго такімі, якія людзі ёсць. Але галоўнай складанасцю стала нават не гэта, а задача ўгаварыць на здымкі жонку: Таццяна зусім не публічны чалавек і ўпэўнена, што сямейнае шчасце любіць цішыню. Сын жа, наадварот, удзельнічаў у «кіно» з захапленнем, тым больш для яго гэта не першы вопыт — раней Лявон разам з татам здымаўся ў кліпе беларускага гурта Nutekі «Прывітанне, сын».
Вікторыя ЗАХАРАВА
Фота са здымак кліпа
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
