Вы тут

На перадкастынгі беларускай версіі шоу X Factor ужо зарэгістравалася 1000 чалавек


Жывыя праслухоўванні аднаго з самых папулярных у свеце вакальных тэлепраектаў стартуюць 14 і 15 сакавіка ў Гродне. Але арганізатары ўжо атрымалі праз сайт Белтэлерадыёкампаніі і сацыяльныя сеткі больш як тысячу заявак!


Творчая група атрымлівае шмат пытанняў ад ахвотных паўдзельнічаць у праекце. Каб дапамагчы патэнцыйным удзельнікам, на сайце медыяхолдынгу www.tvr.by стварылі спецыяльную старонку X Factor (у раздзеле «Праекты»), дзе змешчана ўся неабходная інфармацыя.

Так, нагадаем даты перадкастынгаў, якія правядзе творчая каманда па ўсёй краіне: 24 і 15 сакавіка — Гродна, 21 і 22 сакавіка — Магілёў, 26 і 27 сакавіка — Гомель, 4 і 5 красавіка — Віцебск, 11 і 12 красавіка — Брэст, 18 красавіка — Баранавічы, 19 красавіка — Ліда, 25 красавіка — Мазыр, 26 красавіка — Бабруйск, арыенціровачна сярэдзіна мая — Мінск. Каб трапіць на іх, трэба папярэдне запоўніць анкету ўдзельніка.

Дакладны час і месца кожнага праслухоўвання будуць змешчаны ў афіцыйных акаўнтах шоу ў Facebook, Instagram, «ВКонтакте», «Аднакласнікі», таксама праект плануецца прадставіць у TikTok і на YouTube.

Нагадаем, прэтэндэнтаў будуць ацэньваць у чатырох катэгорыях: дзяўчаты ад 16 да 24 гадоў, хлопцы ад 16 да 24 гадоў, выканаўцы ад 25 гадоў і старэйшыя, вакальныя калектывы. Арганізатары раяць падрыхтаваць 1-2 кампазіцыі (без фанаграм і музычнага суправаджэння), якія максімальна раскрываюць ваш спеўны талент. Калі ж з нейкіх прычын у вас не атрымаецца трапіць на перадкастынгі, проста запішыце, як вы спяваеце, і дашліце запіс прадзюсарам у Viber на нумар +375-29-105-91-02.

Па выніках кастынгаў будуць абраныя 250–300 удзельнікаў, якія выступяць у першых этапах шоу X Factor. На канале «Беларусь 1» праект выйдзе ў верасні — папярэдне запланавана 17 яго выпускаў, у тым ліку 6 вялікіх канцэртаў у прамым эфіры, а пераможцу шоу гледачы выберуць напярэдадні Новага года.

Вікторыя ЦЕЛЯШУК

Фота tvr.by

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.