У свеце кожны трэці навучэнец сутыкаецца ў школе з гвалтам і цкаваннем. Тыя дзеці і падлеткі, якія падвяргаецца ганенню, у два разы часцей за астатніх усур'ёз задумаюцца пра суіцыд, пакутуюць ад дэпрэсіі, нізкай самаацэнкі, прапускаюць заняткі, маюць праблемы са здароўем.
Стратэгічным прыярытэтам ЮНЕСКА і сістэмы адукацыі кожнай краіны з’яўляецца забеспячэнне ўсім дзецям, падлеткам і маладым людзям магчымасці атрымліваць адукацыю ў бяспечным, свабодным ад гвалту інклюзіўным адукацыйным асяроддзі.
З мэтай больш якаснага планавання сваёй дзейнасці ЮНЕСКА запрашае педагогаў далучыцца да глабальнага апытання, якое дазволіць атрымаць з першых рук інфармацыю аб тым, як настаўнікі разумеюць гвалт у школе, як яны на яго рэагуюць і якія навучальныя праграмы могуць ім дапамагчы стаць больш падрыхтаванымі і ўпэўненымі ў сабе ў падобных сітуацыях.
Уся прадстаўленая ў апытанні інфармацыя застанецца ананімнай. Яна будзе прадстаўлена ў ЮНЕСКА толькі ў выглядзе абагульненых вынікаў даследавання. Інфармацыя аб рэспандэнтах і выказаныя імі меркавання не будуць разгалошаныя. У ходзе апытання асоба рэспандэнтаў ніякім чынам не ідэнтыфікуецца.
Прайсці апытанне на рускай мове
Надзея НІКАЛАЕВА
Мерапрыемства праводзіцца на добраахвотнай аснове.
Не выявіць ні секунды абыякавасці.
