Вы тут

Спецпраект “Кластар. Культура. Журфак” запусцілі ў БДУ


Факультэт журналістыкі Белдзяржуніверсітэта сумесна з часопісам “На экранах” запусцілі сумесны спецпраект “Кластар. Культура. Журфак”.


У першым нумары за 2020 год на старонках часопіса з’явілася новая тэматычная рубрыка, дзе студэнты спецыяльнасці "Літаратурная работа (творчасць)" друкуюць рэцэнзіі і крытычныя матэрыялы да айчынных і замежных фільмаў. Першыя артыкулы з аглядам кінастужак XXVI Мінскага міжнароднага кінафестывалю “Лістапад” пад аўтарствам будучых літработнікаў выйшлі ў студзеньскім нумары “На экранах”. Рубрыку плануюць зрабіць пастаяннай для забеспячэння сістэматычнай уцягнутасці студэнтаў у падрыхтоўку часопіса.

Спецпраект арганізаваны ў рамках  створанага ў 2019 годзе на базе кафедры літаратурна-мастацкай крытыкі БДУ кластара культурнай накіраванасці. Ён аб'ядноўвае намаганні Міністэрства адукацыі, выдавецкага дома «Звязда», Беларускага саюза журналістаў і факультэта журналістыкі БДУ і забяспечвае ўзаемасувязь навучальнага працэсу з прамысловай практыкай, творчае супрацоўніцтва студэнтаў з прадстаўнікамі медыясферы.

Надзея НІКАЛАЕВА

Выбар рэдакцыі

Культура

Мікалай Пінігін: Каб ведаў як, сам напісаў бы класную сучасную п'есу

Мікалай Пінігін: Каб ведаў як, сам напісаў бы класную сучасную п'есу

На рахунку рэжысёра і мастацкага кіраўніка Купалаўскага тэатра Мікалая Пінігіна больш за семдзесят спектакляў, і па некаторыя з іх хоць зараз ідзі на вуліцу Энгельса. 

Грамадства

Расказваем пра тое, як на Брэстчыне раней гатавалі варэнне і як гэта робяць цяпер

Расказваем пра тое, як на Брэстчыне раней гатавалі варэнне і як гэта робяць цяпер

Аказваецца, у нашых вёсках амаль да другой паловы ХХ стагоддзя не мелі звычкі нарыхтоўваць яго, не ведалі, як варыцца.