Гэта стала магчымым дзякуючы перамозе студэнтаў факультэта міжнародных адносін БДУ ў нацыянальным адборачным этапе. У склад каманды ўвайшлі трэцякурснікі Станіслаў Лашкевіч, Ірына Галубіч, Вольга Апімаха і магістрантка Лілія Галаўко, якая таксама была прызнана найлепшым спікерам конкурсу. Акрамя таго, каманда ФМА БДУ перамагла ў намінацыі “Найлепшая пісьмовая праца”. Трэніруе каманду выпускніца ФМА Кацярына Шкарбута.
Усяго ў нацыянальным адборачным этапе за права прадстаўляць краіну ў ЗША змагаліся восем зборных: каманды ФМА і юрыдычнага факультэта БДУ, Беларускага дзяржаўнага эканамічнага ўніверсітэта, Міжнароднага ўніверсітэта "МІТСО”, БІП-Інстытута правазнаўства, Полацкага дзяржаўнага ўніверсітэта, ГрДУ імя Я. Купалы і Універсітэта грамадзянскай абароны МНС. Па выніках выступлення ў адборачным туры упершыню ў ЗША былі запрошаны студэнты БІП -Інститута правазнаўства ў статусе выставачнай каманды.
Фінал міжнароднага конкурсу адбудзецца ў красавіку ў Вашынгтоне (ЗША). Ён будзе складацца з вуснага і пісьмовага этапаў і пройдзе ў форме гульнявога судовага працэсу, дзе студэнты выканаюць ролю юрыдычных дарадцаў. Будучыя прававеды прадставяць пазіцыі сваіх кліентаў (дзяржаў) у Міжнародным Судзе ААН і пісьмовую пазіцыю істца і адказчыка. Усе заданні выконваюцца на англійскай мове.
Даведка.
Конкурс па міжнароднаму праву імя Ф. Джэсапа (The Philip C. Jessup International Law Moot Court Competition) быў заснаваны ў 1960 годзе. Гэта самыя прэстыжныя ў свеце спаборніцтвы па міжнароднаму публічнага праву, свайго роду “алімпійскія гульні” для будучых юрыстаў. У Беларусі конкурс праводзіцца Асацыяцыяй міжнароднага права і арбітражу (BILA).
Штогод у спаборніцтвах удзельнічаюць каля 2 000 студэнтаў з больш як 550 унінверсітэтаў свету. Каманды факультэта міжнародных адносін БДУ традыцыйна займаюць высокія пазіцыі ў фінальных спаборніцтвах. Так, у 2016 годзе студэнткі Белдзяржуніверсітэта заваявалі “серабро” спаборніцтваў у намінацыі “Найлепшая пісьмовая праца”, у 2017 годзе занялі першае месца ў намінацыі “Паказальныя выступленні”, а ў 2019 годзе ўвайшлі ў ТОП-100 найлепшых выступоўцаў.
Надзея НІКАЛАЕВА
Прэв'ю: kudapostupat.by
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!