Вы тут

Запрашаем на старонку круглага стала “Маладнякоўскімі крокамі”



На хвалі часу, у плыні жыцця

Праект Нацыянальнай бібліятэкі Беларусі, Дзяржаўнага музея гісторыі беларускай літаратуры, Беларускага дзяржаўнага архіва-музея літаратуры і мастацтва, часопіса «Маладосць»


Запрашаем на старонку круглага стала “Маладнякоўскімі крокамі”

У студзені ў Нацыянальнай бібліятэцы Беларусі прайшоў Дзень літаб’яднання “Маладняк”, у межах якога ладзіўся круглы стол “Маладнякоўскімі крокамі” і святочная імпрэза.

Адкрыла мерапрыемствы пасяджэнне круглага стала, на якім абмяркоўваліся перспектывы і вынікі першага года рэалізацыі праекта, прысвечанага згуртаванню “Маладняк”, прагучалі выступленні даследчыкаў творчасці маладнякоўцаў: Уладзіміра Хадыкі, Уладзіміра Дубоўкі і Зінаіды Бандарынай. Тут сабраліся людзі, апантаныя сваімі ідэямі, патрыёты сваёй справы, таму цікавыя даклады, душэўная атмасфера мерапрыемства атрымала гучны рэзананс ў СМІ. Было прынята рашэнне размясціць поўныя тэксты дакладаў у раздзеле “Канферэнцыі НББ” на старонцы круглага стала “Маладнякоўскімі крокамі”.

Цяпер можна глыбей пазнаёміцца з праектам і спампаваць інфармацыю пра юбіляраў-маладнякоўцаў 2019–2020 гг.; больш даведацца пра распрацоўку віртуальнага праекта “На хвалі часу, у плыні жыцця”, які рэалізуе Нацыянальная бібліятэка Беларусі сумесна з партнёрамі; пра план мерапрыемстваў на 2020 г. яшчэ аднаго ўдзельніка праекта – Дзяржаўнага музея гісторыі беларускай літаратуры, на пляцоўцы якога праходзіць большасць запланаваных імпрэз, вечарын і лекцый. Тэкст даклада кандыдата філалагічных навук Анатоля Вераб’я быў размешчаны на старонцы круглага стала і ў адпаведным раздзеле праекта, прысвечаным жыццёваму і творчаму шляху Уладзіміра Хадыкі (1905–1940).

Мерапрыемствы прайшлі ў рамках рэспубліканскага праекта “На хвалі часу, у плыні жыцця”, прысвечанага 100-годдзю з дня ўтварэння згуртавання “Маладняк”. Ініцыятарамі праекта сталі Нацыянальная бібліятэка Беларусі, Дзяржаўны музей гісторыі беларускай літаратуры, Беларускі дзяржаўны архіў-музей літаратуры і мастацтва і Выдавецкі дом “Звязда” (часопіс “Маладосць”), сумесная партнёрская праца пачалася з сакавіка 2019 г.

Крыніца: https://www.nlb.by/by/news/nacyjanalnaja-biblijatjeka/zaprashaem-na-staronku-kruglaga-stala-maladnyako-skimi-krokami/

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.