Вы тут

Аляксандр Лукашэнка заслухаў даклад міністра аховы здароўя Уладзіміра Караніка


Прэзідэнт Беларусі Аляксандр Лукашэнка заслухаў па тэлефоне даклад міністра аховы здароўя Уладзіміра Караніка аб узаемадзеянні з Кітаем у барацьбе з распаўсюджаннем каранавіруснай інфекцыі і мерах, якія прымаюцца ў краіне па мінімізацыі пагрозы яе завозу і распаўсюджання, паведамілі ў прэс-службе беларускага лідара.


Абмеркаваны вынікі аказання гуманітарнай дапамогі Кітаю. Міністэрствам аховы здароўя забяспечаны водпуск і афармленне матэрыяльных каштоўнасцяў для аказання гуманітарнай дапамогі, якая была дастаўлена двума авіярэйсамі.

У Беларусі на гэты момант выпадкі захворвання інфекцыяй, выкліканай новым каранавірусам, не зарэгістраваны.

Уладзімір Каранік расказаў, што з 30 студзеня пераведзена ў рэжым павышанай гатоўнасці работа санітарна-эпідэміялагічнай службы, хуткай медыцынскай дапамогі, усіх арганізацый аховы здароўя. Створаны неабходныя рэзервы лекаў, сродкаў індывідуальнай аховы.

Размова таксама вялася аб узаемадзеянні паміж рознымі міністэрствамі і ведамствамі ў рабоце па прадухіленні завозу і распаўсюджання віруса, арганізацыі санітарна-каранціннага кантролю.

Кіраўнік дзяржавы асабліва адзначыў неабходнасць прыняцця вычарпальных мер па арганізацыі мерапрыемстваў і звярнуў увагу, што меры павінны быць эфектыўнымі, але не празмернымі.

Загаловак у газеце: Размова пра вірус і дапамогу

Выбар рэдакцыі

Грамадства

Чым сябе заняць на самаiзаляцыi?

Чым сябе заняць на самаiзаляцыi?

Урачы па ўсiм свеце запусцiлi флэшмоб #StayAtHome.

Грамадства

Хто паставiць кропку ў спрэчцы вакол пакупкі за адну базавую?

Хто паставiць кропку ў спрэчцы вакол пакупкі за адну базавую?

Ранейшы ўласнiк цяпер звярнуўся ў суд i патрабуе вярнуць будынак.

Культура

Віктар Капыцько: У нашых прыдворных тэатрах ставіліся оперы, напісаныя тут, а не дзе-небудзь у Італіі

Віктар Капыцько: У нашых прыдворных тэатрах ставіліся оперы, напісаныя тут, а не дзе-небудзь у Італіі

Віктар з'яўляецца аўтарам опер, сімфоній і кантат, яго музыка гучыць у розных кутках свету, а ў Беларусі з ім працуюць найлепшыя выканаўцы.

Культура

Дарогамі Славы. Простыя вяскоўцы

Дарогамі Славы. Простыя вяскоўцы

Уладзiмiр Амельяновiч і Апанас Кляцко.