Вы тут

Рэспубліканскі конкурс буктрэйлераў прэзентавалі ў Мінску


Рэспубліканскі конкурс буктрэйлераў пад такой назвай прэзентавалі ў рамках ХХVІІ Мінскай міжнароднай кніжнай выстаўкі-кірмашу.


Гэта сумесны творчы праект БРСМ, Міністэрства інфармацыі і Саюза пісьменнікаў Беларусі. «Сёння вядзецца актыўны пошук новых формаў і магчымасцяў, каб прыцягнуць увагу моладзі да кнігі і прывіць любоў да чытання, — сказаў падчас прэзентацыі намеснік міністра інфармацыі Ігар Бузоўскі. — Я шчыра спадзяюся, што буктрэйлеры дазволяць нам зрабіць чарговы крок на шляху да сяброўства моладзі з кнігай».

Старт праекту быў дадзены 27 студзеня. Ён будзе доўжыцца да жніўня і пройдзе ў два туры. Першы прысвечаны 75-й гадавіне Вялікай Перамогі і завершыцца ў красавіку, другі — Году малой радзімы і пройдзе з мая да жніўня. Найлепшыя работы па выніках конкурсу будуць перададзены ў фонд Нацыянальнай бібліятэкі Беларусі, а таксама размешчаны на афіцыйных інтэрнэт-рэсурсах Саюза моладзі і Міністэрства інфармацыі. Акрамя таго, іх можна будзе ўбачыць на экранах буйных крам «Белкнігі».

Рэспубліканскі конкурс прэзентавалі падчас адкрытага дыялогу «Беларусь — адкрытая кніга». Разам з актывам БРСМ і маладымі беларускімі пісьменнікамі ўдзел у дыскусіі бралі прадстаўнікі Міністэрства інфармацыі, Саюза пісьменнікаў Беларусі, Нацыянальнай бібліятэкі Беларусі.

Дарэчы, у ліку ўдзельнікаў мерапрыемства была пераможца рэспубліканскага конкурсу «Студэнт года — 2019» Дар'я Паўлоўская (пра яе нядаўна пісала «Чырвонка. Чырвоная змена»). Яна не толькі любіць чытаць, але і піша вершы на беларускай мове. Мадэратарамі дыялогу выступалі беларускі пісьменнік, публіцыст, тэлевядучы і сцэнарыст, аўтар кнігі «Самы доўгі дзень», якая апавядае пра падзеі 22 чэрвеня 1941 года, Вячаслаў Бандарэнка і дэпутат Палаты прадстаўнікоў Нацыянальнага сходу Марыя Васілевіч — самы малады парламентарый.

Сяргей РАСОЛЬКА

Прэв'ю: polymia.by

Загаловак у газеце: Пра што раскажа «Кніга з экрана»?

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

«Разумныя» гарады. Як лiчбавiзацыя зменiць наша жыццё?

«Разумныя» гарады. Як лiчбавiзацыя зменiць наша жыццё?

Наступны этап — стварэнне разумных гарадоў.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.