24 кастрычніка, субота

Вы тут

Падтрыманне ўзроўню рэальных заробкаў — задача нумар адзін для ўрада ў гэтым годзе


Савет Міністраў правёў пасяджэнне па выніках сацыяльна-эканамічнага развіцця. У першым квартале арганізацыі, у якіх не забяспечваўся належны ўзровень заработнай платы, павінны выйсці на 500 беларускіх рублёў. Персанальная адказнасць за гэта, як адзначыў прэм'ер-міністр Сяргей Румас, на мясцовых кіраўніках. Але галоўная ўмова застаецца непахіснай — заробкі павінны быць напрацаваны.


Асобную ўвагу на пасяджэнні надалі выканальніцкай дысцыпліне. Асабліва тут адстаюць Мінжылкамгас, Мінскі і Гомельскі гарвыканкамы.

«Мы прааналізавалі, як выкананы даручэнні прэм'ер-міністра, рашэнні Савета Міністраў і яго Прэзідыума, па якіх патрабаваўся даклад ураду. Выснова: амаль пятая частка даручэнняў выканана з парушэннем устаноўленых тэрмінаў», — перадае словы прэм'ер-міністра БелТА.

Задачы кіраўнік урада паставіў і перад ІТ-сектарам. Галіна павінна быць больш арыентавана на беларускую, а не замежную эканоміку. Дарэчы, сувязь і інфармацыя — сферы, якія зрабілі значны ўнёсак у рост эканомікі краіны ў 2019 годзе. І такая сітуацыя характэрна не толькі для Міншчыны, дзе размешчаны Парк высокіх тэхналогій. Ён стаў значным суб'ектам, які забяспечвае паступленне валюты ў краіну. «Гэта добра, але ІT-сектар павінен больш працаваць на беларускую эканоміку. Пакуль жа ўзровень узаемадзеяння ўнутры краіны па гэтым кірунку цяжка назваць дастатковым — усе найноўшыя распрацоўкі працуюць на эканоміку іншых краін», — сказаў кіраўнік урада.

Звярнуў увагу Сяргей Румас і на зніжэнне ўзроўню работы з інвестарамі на месцах. Паказчыкі па прыцягненні прамых замежных інвестыцый не выканалі чатыры рэгіёны: Брэсцкі, Віцебскі, Гродзенскі і Мінскі.

Прэв'ю: grodnonews.by

Загаловак у газеце: Заробкі ў прыярытэце

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.