Вы тут

Лукашэнка: Кітайцы павінны ведаць, што беларусы — стойкія і надзейныя людзі і сапраўдныя сябры


Прэзідэнт Беларусі Аляксандр Лукашэнка сустрэўся з Мікалаем Снапковым, які прызначаны кіраўніком беларускага пасольства ў Кітаі.


«Не ведаю, калі вы з Міністэрствам замежных спраў вырашылі паехаць у Кітай, але, бачыце, перыяд у іх там няпросты, — заўважыў кіраўнік дзяржавы. — І справа не толькі ў тым, што вірус там— свет перажываў і больш складаныя абставіны. Справа ў тым, што ў сувязі з гэтым каранавірусам пачынаюцца розныя ўкіды ў медыйную прастору, фэйкавыя навіны і гэтак далей. Кітайцы павінны ведаць, што беларусы — стойкія і надзейныя людзі і сапраўдныя сябры».

Аляксандр Лукашэнка дадаў, што кітайскі бок добра ўспрыняў прызначэнне Мікалая Снапкова паслом. 

«Прэзідэнт прыняў аналіз, які даў я, але разам з тым даручыў на месцы комплексна, зыходзячы з бягучых умоў, абмеркаванняў з кітайскімі партнёрамі, разгледзець напрамкі, канкрэтыку, і самае галоўнае — тое, як рэалізаваць рост эканамічнага патэнцыялу супрацоўніцтва паміж дзвюма краінамі. Мэта — эканамічны рост нашай краіны, — расказаў Мікалай Снапкоў журналістам пасля сустрэчы з кіраўніком дзяржавы. — Прэзідэнтам даручана ўсё гэта яшчэ раз прааналізаваць далажыць, каб мы разумелі прадметныя кірункі, арыенціры, хто за гэта будзе адказваць, і хто рэалізоўваць на практыцы».

На першым месцы сярод задач беларускага пасольства ў КНР — экспарт беларускай прадукцыі і разумны імпарт, асабліва датычна прамежкавых тавараў. 

«Прамежкавыя тавары нам даюць істотную эканомію ў адносінах да аналагічных тавараў такой жа якасці, якія пастаўляюцца з Расійскай Федэрацыі і Еўрапейскага саюза, — патлумачыў Мікалай Снапкоў. — Такая эканомія, па разліках Міністэрства эканомікі, у год складае 400 мільёнаў долараў. Як вы разумееце, гэта ўплывае на рост дабаўленага кошту і, адпаведна, рост ВУП. Размова пра тое, што трэба пісьменна працаваць з камплектуючымі, якія пастаўляюцца на нашыя прадпрыемствы». 

Па словах дыпламата, рост прамежкавага імпарту (задзейнічаны на вытворчасці тавараў) звязаны з наяўнасцю і колькасцю сумесных прадпрыемстваў, якая расце. Мікалай Снапкоў дадаў, што сумены бізнес — добры кірунак, бо ён закладае доўгатэрміновую аснову эканамічнага супрацоўніцтва. 

Вяртаючыся да базавага патрабавання кіраўніка дзяржавы — нарошчвання беларускага экспарту ў Кітай, пасол адзначыў, што Беларусь — экспартаарыентаваная краіна, а Кітай — невычарпальны рынак, які расце. 

«У сярэднетэрміновай перспектыве ёмістасць кітайскага рынку — 10 трыльёнаў амерыканскіх долараў. Мы абмеркавалі агульныя кірункі, дзе наша краіна мае патэнцыял у нарошчванні экспарту. І мая задача прадметна іх адпрацаваць: што мы можам вырабляць і пастаўляць, а самае галоўнае — якім чынам гэта рабіць. Бо мы маем і гандлёвыя бар’еры, і мытныя бар’еры, і недастатковы ўзровень вытворчасці для пастаўкі запатрабаваных кітайскім рынкам тавараў. Усё гэта трэба яшчэ раз прааналізаваць у практыкапрымяняльным характары, і далажыць Прэзідэнту з выхадам на адпаведныя яго даручэнні канкрэтным асобам».

Мікалай Снапкоў не стаў называць канкрэтную дату свайго ад’езду, але сказаў, што гэта адбудзецца хутка.

Вольга МЯДЗВЕДЗЕВА

Выбар рэдакцыі

Грамадства

Нацыянальная акадэмія навук ініцыюе стварэнне народнага летапісу Вялікай Айчыннай вайны

Нацыянальная акадэмія навук ініцыюе стварэнне народнага летапісу Вялікай Айчыннай вайны

Навукоўцы звяртаюцца да кіраўніцтва абласных і раённых выканаўчых камітэтаў, устаноў адукацыі і культуры, грамадскіх арганізацый, усіх зацікаўленых грамадзян з просьбай разгарнуць работу па зборы ўспамінаў і фатаграфій удзельнікаў падзей Вялікай Айчыннай вайны.

Грамадства

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

З Леанiдам Левiным, славутым нашым архiтэктарам, мяне пазнаёмiў Генадзь Бураўкiн — яго даўнi, харошы сябра.

Грамадства

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Без мiлiцыi мы нiяк», — рэзюмаваў Прэзiдэнт Беларусi Аляксандр Лукашэнка падчас сустрэчы з мiнiстрам унутраных спраў Юрыем Караевым, маючы на ўвазе сiтуацыю з каранавiрусам. 

Грамадства

Чым сябе заняць на самаiзаляцыi?

Чым сябе заняць на самаiзаляцыi?

Урачы па ўсiм свеце запусцiлi флэшмоб #StayAtHome.