Вы тут

Жанчын сярод беларускіх вучоных каля 40 працэнтаў


11 лютага па рашэнні ААН адзначаецца Міжнародны дзень жанчын і дзяўчынак у навуцы (International Day of Women and Girls in Science).


medina-center.ru

Генеральная Асамблея ААН выступае за пераадоленне дыскрымінацыі ў адносінах да жанчын і забеспячэнне поўнага і роўнага іх удзелу ў навуковай дзейнасці. Тэма дня ў гэтым годзе — «Інвестыцыі ў жанчын і дзяўчынак у навуцы для інклюзіўнага росту».

Міру вядомыя імёны многіх жанчын, якія зрабілі выбітны ўнёсак у навуку, сярод іх Марыя Складоўская-Кюры, Лінда Бак, Гетры Коры, Разалін Сасмен Ялоў, Барбара Мак-Клінток, Элізабет Блэкберн....

Нават ІТ-індустрыя распачалася менавіта з жанчын. Так, дачка паэта Байрана Ада ЛАЎЛЕЙС лічыцца першым у гісторыі праграмістам. Яна апісала прынцыпы работы першага ў свеце «камп’ютара» (аналітычнай машыны), напісала праграмы, якія ніхто з яе сучаснікаў не зразумеў, але пазней менавіта яны ляглі ў аснову першых кодаў для ЭВМ. Ада Лаўлейс увяла ў абарачэнне тэрміны «цыкл», «рабочая ячэйка», «размеркавальная карта», апісала асноўныя прынцыпы алгарытмізацыі.

Яшчэ адзін з піянераў праграмавання — Грэйс ХОПЕР — амерыканскі матэматык і контр-адмірал флоту ЗША. Яна была адной з першых, хто пісаў праграмы для гарвардскага камп’ютара «Марк І». Грэйс распрацавала першы кампілятар для камп’ютарнай мовы праграмавання, выявіла першы ў свеце «баг» (праграмную памылку) і стала аўтарам тэрміна debuggіng, яна мае шматлікія ўзнагароды за неацэнны ўклад у развіцце мовы праграмавання COBOL (яе празвалі «бабуляй Кобала»). Кажуць, што менавіта ёй належаць словы «праграмаваць — не складаней, чым планаваць вячэру».

А «маці» смартфонаў і планшэтаў лічыцца Сафі УІЛСАН. За 35 гадоў сваёй кар’еры яна атрымала 59 (!) патэнтаў. Сафі працавала над стварэннем першых камерцыйна паспяховых персанальных камп’ютараў і арыгінальнага ARM-працэсара, нашчадкі якога ў цяперашні час змяшчаюцца ўнутры большасці мабільных прылад.

Згодна са стратэгіяй Еўракамісіі па гендарнай роўнасці, адной з мэтаў з’яўляецца дасягненне прадстаўніцтва жанчын ў навуцы на ўзроўні мінімум 40 працэнтаў.

Па дадзеных Інстытута сацыялогіі НАН Беларусі, у нашай краіне доля жанчын-даследчыкаў складае 39,7% (у тым ліку, сярод кандыдатаў навук — 40,6% і 18 % — сярод дактароў навук). Аналіз дынамікі дадзеных аб кадравым складзе акадэмічнай навукі сведчыць, што доля жанчын-навукоўцаў пастаянна расце, а ўдзельная вага жанчын у складзе кіраўніцтва навукова-даследчых інстытутаў і іншых навуковых падраздзяленняў НАН Беларусі не змяншаецца.

Надзея НІКАЛАЕВА

Выбар рэдакцыі

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.

Грамадства

Што рабіць з безнагляднымі жывёламі?

Што рабіць з безнагляднымі жывёламі?

Пасля праходжання юрыдычнай экспертызы на разгляд урада паступiць праект пастановы Савета Мiнiстраў «Аб пытаннях па абыходжаннi з жывёламi».

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.