Вы тут

У Беларусі плануецца замацаваць норму аб абавязковым устанаўленні квоты для прыёму на работу інвалідаў


Беларусі плануецца замацаваць норму аб абавязковым устанаўленні квоты для прыёму на работу інвалідаў і даць ім права бясплатнага карыстання аўтамабільнымі паркоўкамі.


Такія нормы змяшчаюцца ў новым законапраекце «Аб правах інвалідаў і іх сацыяльнай інтэграцыі». Пра гэта паведаміла журналістам старшыня Пастаяннай камісіі Палаты прадстаўнікоў па працы і сацыяльных пытаннях Людміла Канановіч.

— Чакаецца, што квоты будуць вызначаць для прадпрыемстваў, дзе працуе не менш за 100 чалавек, — сказала старшыня камісіі. — Хацелася б, каб гэта былі ўжо абсталяваныя месцы, каб чалавек з абмежаванымі магчымасцямі мог там адразу прыступіць да работы. Квоты па працаўладкаванні людзей з інваліднасцю плануецца ўвесці ў 2023 годзе.

Для грамадзян з абмежаванымі магчымасцямі таксама прапануюць паслугі персанальных асістэнтаў. Гэта будуць людзі з ліку сацыяльных работнікаў, якія пасля спецыяльнага навучання змогуць выступаць у якасці суправаджаючых для людзей з абмежаванымі магчымасцямі.

Людміла Канановіч канстатавала, што ва ўсім свеце колькасць людзей з інваліднасцю даволі значная, і тэндэнцыя такая, што яна працягвае расці. У Беларусі на 1 студзеня 2020 года на ўліку ў органах па сацабароне знаходзілася амаль 574 тысячы такіх грамадзян, з іх інвалідаў 1-й групы — 87 тысяч, 2-й групы — 360 тысяч. Сярод інвалідаў у Беларусі налічваецца больш за 33 тысячы дзяцей. Удзельная вага такіх людзей у агульнай колькасці насельніцтва складае 6 %.

Да нядаўняга часу айчынная сацыяльная палітыка ў адносінах да інвалідаў насіла пераважна кампенсацыйны характар. У асноўным усё зводзілася да давання льгот і грашовых выплат. Цяпер на першы план выходзяць задачы па забеспячэнні інвалідаў роўнымі з іншымі грамадзянамі магчымасцямі: стварэнні ўмоў для максімальнай рэалізацыі сябе ў працоўнай дзейнасці, адукацыі, спорце. У праект закона ўведзеныя новыя тэрміны і паняцці — «абілітацыя інваліда», «універсальны дызайн», «мова жэстаў», «разумнае прыстасаванне».

Прадугледжана магчымасць стварэння цэнтраў рэабілітацыі і абілітацыі на рэспубліканскім і мясцовым узроўнях. Такія цэнтры могуць утварацца як па адным, так і па некалькіх кірунках, уключаць медыцынскую, сацыяльную, прафесійную дапамогу.

Новы дакумент абмяркоўваўся на пасяджэнні профільнай парламенцкай камісіі. Дэпутаты плануюць прыняць яго ў першым чытанні на вясновай сесіі.

Прэв'ю: nnd.name

Выбар рэдакцыі

Грамадства

Чым сябе заняць на самаiзаляцыi?

Чым сябе заняць на самаiзаляцыi?

Урачы па ўсiм свеце запусцiлi флэшмоб #StayAtHome.

Грамадства

Хто паставiць кропку ў спрэчцы вакол пакупкі за адну базавую?

Хто паставiць кропку ў спрэчцы вакол пакупкі за адну базавую?

Ранейшы ўласнiк цяпер звярнуўся ў суд i патрабуе вярнуць будынак.

Культура

Віктар Капыцько: У нашых прыдворных тэатрах ставіліся оперы, напісаныя тут, а не дзе-небудзь у Італіі

Віктар Капыцько: У нашых прыдворных тэатрах ставіліся оперы, напісаныя тут, а не дзе-небудзь у Італіі

Віктар з'яўляецца аўтарам опер, сімфоній і кантат, яго музыка гучыць у розных кутках свету, а ў Беларусі з ім працуюць найлепшыя выканаўцы.

Культура

Дарогамі Славы. Простыя вяскоўцы

Дарогамі Славы. Простыя вяскоўцы

Уладзiмiр Амельяновiч і Апанас Кляцко.