Вы тут

Як часта трэба прыбіраць?


Што будзе, калі не рабіць вільготную прыборку кожны тыдзень? Пра гэта расказала ўрач-гігіеніст Мінскага абласнога цэнтра гігіены, эпідэміялогіі і грамадскага здароўя Кацярына Сухавер.


Дык што ж такое пыл і што за бруд збіраецца на паверхнях мэблі і падлозе?

— Каля 70 працэнтаў хатняга пылу мае прыроднае паходжанне. Гэта часцінкі глебы і мінералаў, кветкавы пылок, споры і грыбкі, экскрэменты насякомых, поўсць, пух і перхаць хатніх жывёл, крышталі марской солі і нават касмічны пыл. Астатнія 30 працэнтаў вырабляюцца самімі людзьмі — гэта часцінкі адмерлай скуры, валокны тканіны ад адзення, тэкстылю, абшыўкі мэблі і паперы, цыгарэтны попел, гумавы пыл (ад аўтамабільных пакрышак, якія сціраюцца), цяжкія металы, — расказвае спецыяліст.

Чым небяспечна ўсё гэта? Справа ў тым, што збіранне пылу і бруду ў цяжкадаступных месцах стварае спрыяльныя ўмовы для размнажэння розных бактэрый, цвілі, пылавых кляшчоў ды іншых арганізмаў. Усе яны могуць прынесці сур'ёзныя непрыемнасці: алергію, грыбковыя інфекцыі дыхальных шляхоў, сухасць скуры, кан'юнктывіт, астму, менінгіт, сілікоз (від пнеўманіі), захворванні нырак. А само знаходжанне ў забруджаным памяшканні вядзе да павышанай стамляльнасці, дыскамфорту і зніжэння імунітэту.

Дык як часта трэба прыбірацца? Перыядычнасць прыборкі ў доме, у тым ліку і вільготнай, вызначае яго гаспадар ці гаспадыня, але пажадана гэта рабіць не радзей, чым раз на тыдзень. У большасці ж устаноў прыбіраць трэба штодзённа. А ў дзіцячых, бальнічных, харчовых установах прыборка праводзіцца як мінімум двойчы на дзень. І гэта не толькі мыццё падлогі, але і дэзінфекцыя паверхняў спецыяльнымі растворамі.

Вільготная прыборка мае перад сухой свае перавагі. Яна дазваляе пазбавіцца ад пылу, бруду, хваробатворных бактэрый і грыбкоў, не дазваляе з'яўляцца пылавым кляшчам і ўзнікаць алергіям, а таксама дапамагае пазбегнуць рэцыдываў у алергікаў. Пры вільготнай прыборцы пыл збіраецца ў ваду, і шкодныя рэчывы мы не ўдыхаем (у адрозненне ад сухой яе альтэрнатывы).

На думку спецыяліста, для правядзення прыборкі патрабуецца просты інвентар і наступныя мерапрыемствы:

— Падрыхтуйце гумавыя пальчаткі, анучы, губкі, швабру, вядро і мыйныя сродкі. Калі ў доме ёсць алергік, апошнія трэба выбіраць асабліва старанна. Рэгулярна мыйце падлогу, пыласосце дываны і працірайце месцы збірання пылу вільготнай анучкай. Важна праціраць пыл і ў цяжкадаступных месцах (на секцыях, карнізах і высокіх шафах). Не варта забываць і пра бытавую тэхніку: халадзільнік, тэлевізар, мікрахвалевую печ.

Алена КРАВЕЦ

Выбар рэдакцыі

Грамадства

Нацыянальная акадэмія навук ініцыюе стварэнне народнага летапісу Вялікай Айчыннай вайны

Нацыянальная акадэмія навук ініцыюе стварэнне народнага летапісу Вялікай Айчыннай вайны

Навукоўцы звяртаюцца да кіраўніцтва абласных і раённых выканаўчых камітэтаў, устаноў адукацыі і культуры, грамадскіх арганізацый, усіх зацікаўленых грамадзян з просьбай разгарнуць работу па зборы ўспамінаў і фатаграфій удзельнікаў падзей Вялікай Айчыннай вайны.

Грамадства

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

З Леанiдам Левiным, славутым нашым архiтэктарам, мяне пазнаёмiў Генадзь Бураўкiн — яго даўнi, харошы сябра.

Грамадства

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Без мiлiцыi мы нiяк», — рэзюмаваў Прэзiдэнт Беларусi Аляксандр Лукашэнка падчас сустрэчы з мiнiстрам унутраных спраў Юрыем Караевым, маючы на ўвазе сiтуацыю з каранавiрусам. 

Грамадства

Чым сябе заняць на самаiзаляцыi?

Чым сябе заняць на самаiзаляцыi?

Урачы па ўсiм свеце запусцiлi флэшмоб #StayAtHome.