Вы тут

Мінпрацы тлумачыць, што трэба ведаць аб дзяржаўным сацыяльным страхаванні


У Мінпрацы і сацабароны растлумачылі, што важна ведаць індывідуальным прадпрымальнікам, самазанятым асобам, натарыусам і адвакатам аб выплаце абавязковых страхавых узносаў і фарміраванні страхавога стажу за 2019 год.


Фота БЕЛТА

У прыватнасці, у ведамстве нагадалі, што абавязковыя страхавыя ўзносы названым асобам неабходна выплаціць не пазней за 1 сакавіка 2020 года.

Пры гэтым, калі дзейнасць вялася ўвесь год, мінімальны памер узносаў за 2019 год для самазанятых асоб складае 1148,40 рубля (формула разліку: мінімальная заработная плата 330 рублёў x 29 % x 12 месяцаў). А мінімальны памер узносаў за 2019 год для ІП, адвакатаў і натарыусаў складае 1386 рублёў (формула разліку: мінімальная заработная плата 330 рублёў x 35 % x 12 месяцаў).

Калі ж дзейнасць вялася не ўвесь год (гэта значыць, ёсць перыяды неажыццяўлення дзейнасці), разлічыць суму ўзносаў з улікам перыядаў неажыццяўлення дзейнасці можна з дапамогай калькулятара.

Індывідуальныя звесткі па форме ПУ-3 (якая запаўняецца на падставе выплачаных страхавых узносаў і (або) перыядаў неажыццяўлення дзейнасці) павінны быць прадстаўлены не пазней за 31 сакавіка 2020 года.

У Мінпрацы і сацабароны нагадваюць, што выплата абавязковых страхавых узносаў гарантуе ўключэнне перыядаў дзейнасці ў страхавы стаж для прызначэння пенсіі. Акрамя таго, у адпаведнасці з заканадаўствам прызначэнне пенсіі ажыццяўляецца толькі пры наяўнасці мінімальнага памеру страхавога стажу.

Святлана БУСЬКО

Выбар рэдакцыі

Палітыка

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

Пра першы год жыцця Вярхоўнага суда ў новым будынку — Валерый Калiнковiч.

Спорт

СААЗ рэкамендуе займацца спортам у хатнiх умовах

СААЗ рэкамендуе займацца спортам у хатнiх умовах

Сядзячы спосаб жыцця i нiзкi ўзровень фiзiчнай актыўнасцi могуць аказаць негатыўны ўплыў на здароўе.

Грамадства

Намеснік міністра аховы здароўя Алена Богдан: Сітуацыя з каранавірусам застаецца кантраляванай

Намеснік міністра аховы здароўя Алена Богдан: Сітуацыя з каранавірусам застаецца кантраляванай

У Беларусі з моманту выяўлення першага выпадку COVID-19 зарэгістравана 351 інфікаваных.