Жыхара Мар'інай Горкі забілі і скінулі труп у раку, следчыя шукаюць абставіны здарэння. Пра гэта паведаміла БЕЛТА афіцыйны прадстаўнік УСК па Мінскай вобласці Таццяна Беланог.
Жыхар Мар'інай Горкі 24 студзеня звярнуўся ў міліцыю з заявай аб знікненні 31-гадовага сына. "Былі атрыманы звесткі аб крымінальным характары таго, што здарылася. Падчас аглядаў следча-аператыўнай групай з удзелам эксперта-біёлага ДКСЭ выяўлены схаваныя біялагічныя сляды, якія паказваюць на тое, што мужчына стаў ахвярай забойства", - праінфармавала Таццяна Беланог.
У выніку сумеснай працы праваахоўных органаў затрыманыя тры жыхары Мар'інай Горкі: двое сужыцеляў, 33-гадовы мужчына і 36-гадовая жанчына, і іх 23-гадовы знаёмы. "Следчым упраўленнем УСК па Мінскай вобласці распачата крымінальная справа па п.15 ч.2 арт.139 КК (забойства, здзейсненае групай асоб)", - паведаміла Тацяна Беланогая.
Згодна з матэрыяламі справы, злачынства адбылося 21 студзеня ў кватэры ў сужыцеляў. "Падчас сваркі на глебе асабістых непрыязных адносін пацярпеламу былі прычынены цялесныя пашкоджанні, ад якіх ён памёр. Яго цела было скінута ў раку", - распавяла Таццяна Беланог.
Праваахоўнікі з вадалазамі МНС, ТРВАД і валанцёрамі з адмысловым абсталяваннем і тэхнікай некалькі дзён абследуюць акваторыю ракі. Прымаюцца ўсе меры для знаходжання цела.
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.
