Вы тут

Пад Магілёвам забілі бацьку і дачку


Следчыя высвятляюць абставіны двайнога забойства ў Магілёўскім раёне, паведаміла БЕЛТА афіцыйны прадстаўнік УСК па Магілёўскай вобласці Анастасія Лаўрыновіч.


Фота УСК па Магілёўскай вобласці

Следчым упраўленнем УСК па Магілёўскай вобласці заведзена крымінальная справа па факце забойства двух чалавек у аграгарадку Буйнічы. "Увечары 24 студзеня ў прыватным доме ў аграгарадку знойдзены целы 83-гадовага гаспадара дома і яго 47-гадовай дачкі з прыкметамі гвалтоўнай смерці. Па падазрэнні ў здзяйсненні злачынства затрыманы 57-гадовы жыхар Магілёва", - праінфармавала Анастасія Лаўрыновіч.

Пры ператрусе ў мужчыны выяўлена маёмасць загінулых, а на месцы здарэння знойдзены яго асабістыя рэчы. Падазраваны злоўжываў спіртным і неаднаразова судзімы за крадзяжы. Па дадзеных следства, 83-гадовы мужчына і яго дачка з магілеўчанінам знаёмыя не былі.

Следчымі сумесна з экспертамі праведзены агляд месца здарэння, канфіскавана прылада злачынства. Па крымінальнай справе прызначаны шэраг экспертных даследаванняў, у тым ліку комплексная судовая псіхолага-псіхіятрычная экспертыза падазраванага.

Выбар рэдакцыі

Грамадства

Вясёлыя гісторыі чытачоў

Вясёлыя гісторыі чытачоў

Пра стасункі, армію і падарункі.

Грамадства

Вайна пакінула яму жыццё, але забрала блізкіх. Завіталі да клічаўскага ветэрана вайны Міхаіла Фельдмана

Вайна пакінула яму жыццё, але забрала блізкіх. Завіталі да клічаўскага ветэрана вайны Міхаіла Фельдмана

Нягледзячы на свае 96, Міхаіл Фельдман выглядае на зайздрасць бадзёрым і маладжавым. 

Грамадства

Прыёмная кампанія: да чаго рыхтавацца?

Прыёмная кампанія: да чаго рыхтавацца?

Зроблены першы крок да аб'яднання экзаменаў.