Фінал беларускага адбору на "Еўрабачанне–2020" пройдзе 28 лютага

Дату вызначыла творчая група Белтэлерадыёкампаніі падчас жараб'ёўкі і сустрэчы з фіналістамі адбору.

Як паведамляе тэлеграм-канал ATN_news, удзельнікі гала-канцэрту выступяць 28 лютага ў наступным парадку:

1. Вольга Шыманская (NAPOLI) – Dоn't let me down
2. Аляксандра Захарык (Саша Захарык) – Rocky Road
3. Настасся Вахомчык (Настасся Малашкевіч) – Invisible
4. Вольга Грыгор'ева, Юлія Яначкіна, Святлана Каўфман (гурт CHAKRAS) – La–ley–la
5. Анастасія Гламозда – Burning again
6. Анастасія Развадоўская – Hello
7. Ян Яраш – Fire
8. Анжаліка Пушнова – True Love
9. Дар'я Хмяльніцкая – On Fire
10. Юлія Быкава (AURA) – "Барані сваё"
11. Кацярына Смольская (КейСі) – Chili Pepper
12. Валерыя Грыбусава, Уладзіслаў Пашкевіч (VAL) – "Да вiдна"

Дарэчы, упершыню фінальнае шоу, якое традыцыйна пакажуць у прамым эфіры тэлеканалы "Беларусь 1" і "Беларусь 24", пройдзе ў павільёнах "Беларусьфільма". Пераможцу вызначаць па суме балаў ад гледачоў і прафесійнага журы, склад якога пакуль трымаецца ў сакрэце.

Вікторыя ЦЕЛЯШУК