Сёння ў 1.52 ратавальнікам паступіла паведамленне аб загаранні жылога дома на вуліцы Шаўчэнкі ў Стоўбцах.
Прыбыўшыя да месца выкліку падраздзяленні ўбачылі, што адкрытым полымем гарыць дах дома, з вокнаў ідзе дым.
Да прыезду ратавальнікаў супрацоўнік Стаўбцоўскага аддзела дэпартамента аховы МУС старшы сяржант міліцыі Андрэй Талстой выратаваў гаспадыню дома, яе сына, яго жонку і іх знаёмую, паведамілі ў МНС.
Супрацоўнік міліцыі, вяртаючыся з месца выкліку, убачыў дым з вокнаў жылога дома. Зайшоўшы ўнутр, ён выявіў гаспадыню і вынес яе на свежае паветра. Затым вярнуўся ў дом і выявіў яшчэ траіх чалавек. Іх таксама вывеў на вуліцу. Выратаваныя не пацярпелі. Паводле папярэдняй інфармацыі, усе людзі, якія знаходзіліся ў жыллі, былі ў стане алкагольнага ап'янення. Пажар быў лакалізаваны і ліквідаваны ратавальнікамі. Яго прычына высвятляецца. Версія, што разглядаецца, - неасцярожнае абыходжанне з агнём пры курэнні сына гаспадыні.
У выніку пажару агнём знішчаны дах па ўсёй плошчы, пашкоджаныя маёмасць, сцены і столь па ўсёй плошчы ў верандзе і кухні.
Сяргей РАСОЛЬКА
Прэв'ю: iz.ru
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
