Вы тут

Дзярждэпартамэнт ЗША анансаваў візіт Пампеа ў Беларусь


Дзярждэпартамэнт ЗША на сваім сайце анансаваў візіт у Беларусь 1 лютага дзяржаўнага сакратара Майкла Пампеа, паведамляе БЕЛТА.


Паездка Майкла Пампеа працягнецца з 29 студзеня па 4 лютага. Дзяржсакратар ЗША першапачаткова адправіцца ў Лондан, а пазней у Кіеў. Пасля наведвання Мінска запланаваны візіт у сталіцу Казахстана Нур-Султан і сталіцу Узбекістана Ташкент. У Ташкенце Майкл Пампеа прыме ўдзел у нарадзе з міністрамі замежных спраў Казахстана, Кыргызстана, Таджыкістана, Туркменістана і Узбекістана.

Як паведамлялася, рабочы візіт Майкла Пампеа ў Беларусь планаваўся на 4 студзеня, але быў перанесены на 1 лютага ў сувязі з сітуацыяй вакол пасольства ЗША ў Іраку і далейшымі падзеямі. Былі прадугледжаны перамовы на найвышэйшым узроўні, сустрэча з міністрам замежных спраў Уладзімірам Макеем і іншыя мерапрыемствы. Бакі мелі намер абмеркаваць увесь спектр пытанняў беларуска-амерыканскіх адносін і рэгіянальную бяспеку.

Уладзімір Макей і Майкл Пампеа 6 студзеня правялі тэлефонную размову. Падчас гутаркі кіраўнік знешнепалітычнага ведамства ЗША растлумачыў прычыны пераносу тэрміну свайго візіту ў Беларусь. З беларускага боку была пацверджана гатоўнасць прыняць дзяржаўнага сакратара ЗША з візітам ва ўзаемапрымальныя даты, адзначана важнасць адкрытага абмену думкамі па пытаннях развіцця двухбаковых адносінаў, сітуацыі ў рэгіёне і свеце ў цэлым.

Выбар рэдакцыі

Грамадства

Вясёлыя гісторыі чытачоў

Вясёлыя гісторыі чытачоў

Пра стасункі, армію і падарункі.

Грамадства

Вайна пакінула яму жыццё, але забрала блізкіх. Завіталі да клічаўскага ветэрана вайны Міхаіла Фельдмана

Вайна пакінула яму жыццё, але забрала блізкіх. Завіталі да клічаўскага ветэрана вайны Міхаіла Фельдмана

Нягледзячы на свае 96, Міхаіл Фельдман выглядае на зайздрасць бадзёрым і маладжавым. 

Грамадства

Прыёмная кампанія: да чаго рыхтавацца?

Прыёмная кампанія: да чаго рыхтавацца?

Зроблены першы крок да аб'яднання экзаменаў.