Вы тут

У Мінску ўручаць грамату «Праведнік свету» і зладзяць канцэрт «Жоўтыя зоркі»


Міжнародны дзень памяці ахвяр Халакосту 27 студзеня ва ўсім свеце адзначаюць па-рознаму. У Беларусі сёлета з гэтай нагоды зладзяць канцэрт «Жоўтыя зоркі», сумеснае з Міністэрствам замежных спраў мерапрыемства адбудзецца ў музеі гісторыі Вялікай Айчыннай вайны, уручаць грамату «Праведнік свету» нашчадкам аднаго з герояў тых часоў.


Статус «Праведнік свету» даецца людзям розных нацыянальнасцяў, якія, рызыкуючы жыццём, дапамаглі яўрэям. Спецыяльны камітэт правярае іх подзвігі і, калі бачыць падставу, прысуджае пачэснае званне. На жаль, жывых удзельнікаў тых падзей ужо мала, і пачэсныя граматы атрымліваюць іх дзеці і ўнукі. Такі статус прысуджаны 781 беларусу, сваякоў яшчэ чатырох нашых суайчыннікаў шукаюць, подзвіг дзесяці правяраецца, расказаў Алон ШОГАМ, Надзвычайны і Паўнамоцны Пасол Ізраіля ў Беларусі:

— Беларусь — адно з тых месцаў, дзе яўрэі і мясцовыя жыхары плячо ў плячо супраціўляліся фашыстам і разам пакутавалі ад іх. Свет не збіраецца забыцца на гэтую з'яву, а рыхтуецца помніць і нагадваць нашчадкам пра тыя цёмныя часы, каб такое не адбылося зноў.

Сведкаў тых падзей усё менш, а памяці пра іх — больш. У нашай краіне тысячы месцаў, дзе пахаваны расстраляныя і закатаваныя яўрэі. Гісторыя Халакосту прайшла доўгі шлях ад маўчання пра яго да нашых часоў, калі мы штодня гаворым пра жахі таго часу і стараемся ўвекавечыць памяць ахвяр.

— З пачатку стварэння яўрэйскай суполкі і фонду «Халакост» людзі ставілі помнікі. Проста ў лесе, полі, месцах, дзе знішчалі яўрэяў, пра што ведалі тутэйшыя. І гэты шлях даў нам неверагодную карту памяці Халакосту на Беларусі, — кажа Галіна ЛЕВІНА, старшыня Рэспубліканскага фонду «Халакост».

Цяпер у Беларусі больш за 500 помнікаў ахвярам Халакосту, і іх становіцца ўсё больш. Мяркуецца, што ў сакавіку з'явіцца мабільная праграма для айфонаў на рускай мове, дзе будуць акрэслены ўсе вядомыя памятныя месцы, нават калі гэта проста камень у полі. З часам плануецца перакласці праграму таксама на англійскую і яўрэйскую мовы.

Ірына СІДАРОК

Прэв'ю: museums.by

Загаловак у газеце: Без права на забыццё

Выбар рэдакцыі

Грамадства

Балерына Юлiя Дзятко: Дзецi кар'еры не перашкода, калi i работа любiмая, i дзецi жаданыя

Балерына Юлiя Дзятко: Дзецi кар'еры не перашкода, калi i работа любiмая, i дзецi жаданыя

Яны пазнаёмiлiся ў 10-гадовым узросце ў харэаграфiчным вучылiшчы i з таго часу не расстаюцца.

Грамадства

Не атрымалася паехаць на мора? Займiцеся складаннем радаводу!

Не атрымалася паехаць на мора? Займiцеся складаннем радаводу!

Колькасць людзей, якiя спрабуюць адшукаць свае каранi, з кожным годам павялiчваецца. 

Грамадства

Першая дапамога дзецям пры траўмах. Што трэба ведаць?

Першая дапамога дзецям пры траўмах. Што трэба ведаць?

​Дастаткова часта дзецi трапляюць у крытычныя сiтуацыi праз сваю цiкаўнасць i павышаную актыўнасць.