Вы тут

Лукашэнка даручыў даць зялёнае святло вытворчасці экаўпакоўкі


Вытворчасці экалагічнага пакавальнага матэрыялу ў краіне неабходна даць зялёнае святло. Аб гэтым Прэзідэнт Беларусі Аляксандр Лукашэнка заявіў сёння ў Шклове, наведваючы завод газетнай паперы, паведамляе БЕЛТА.


Заслухаўшы даклады аб працы прадпрыемства, кіраўнік дзяржавы азнаёміўся з прадукцыяй, якая тут вырабляецца. Асабліва яго зацікавіла папяровая ўпакоўка: завод вырабляе яе ў вялікай колькасці і для самых розных мэтаў. "У сувязі з тым, што я не адступлюся ад свайго даручэння па замене пластыка на паперу, трэба даць зялёнае святло вытворчасці ў краіне гэтага пакавальнага матэрыялу і пакетаў", - падкрэсліў Аляксандр Лукашэнка.

На яго думку, у асобных сферах неабходна наогул забараніць пластыкавую ўпакоўку. Акрамя, вядома, тых, дзе без яе не абысціся. "Дапусцім, ёсць пластыкавыя скрыні для яблыкаў - яны трывалыя, даўгавечныя. Ім быць (пакуль, прынамсі)? Быць. І потым - іх жа лёгка перапрацаваць, калі трэба", - прывёў прыклад Прэзідэнт. Усё астатняе ён запатрабаваў замяніць экалагічнымі матэрыяламі.

Ён таксама звярнуў увагу на неабходнасць будаўніцтва смеццеперапрацоўчых заводаў: "У вобласці не павінна быць смеццевых палігонаў і гор - гэта ж велізарныя грошы. Трэба перапрацаваць усё смецце. Гэта жалезнае даручэнне. Трэба запісаць яго з тэрмінамі, каб ва ўрадзе ведалі, што нам трэба сысці ад цвёрдага пластыку".

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Грамадства

«Прэферэнцыі, якія атрымалі вайскоўцы, абумоўлены выказанымі імі думкамі»

«Прэферэнцыі, якія атрымалі вайскоўцы, абумоўлены выказанымі імі думкамі»

«Армія — школа мужнасці, грамадзянскасці і патрыятызму». Паводле сацыялагічнага апытання, з гэтым сцвярджэннем згодны 86 п

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.