29 верасня, аўторак

Вы тут

Фотаслова Яўгена Пясецкага. «Я не з гэтай зімы. Не»


Я не з гэтай зімы. Не.

Я адтуль, дзе снягі паляглі, —

Там мароз маляваў на шкле,

Зіхацелі ільдзінкі ў галлі.

Снег у той незваротны час

Самы чысты і светлы быў,

Як матулін ручнік на абраз,

Я той снег не забыў. Не забыў...

У хаўрусе слаты і смугі,

У дажджах, што заміж маразоў,

Успаміны пра тыя снягі

Саграваюць мяне зноў і зноў.

Можа, людзі забудуць зіму,

Цеплыня, нібы рай, ахіне —

Але ж я і тады паўтару:

Я не з гэтага раю. Не.

Выбар рэдакцыі

Культура

У Вялікім тэатры Беларусі чакаецца 300-ы паказ балета «Стварэнне свету»

У Вялікім тэатры Беларусі чакаецца 300-ы паказ балета «Стварэнне свету»

Пагаварылі з некаторымі з тых людзей, якія спрычыніліся да вялікай працы.