Вы тут

Іран пацвердзіў, што ўкраінскі "боінг" быў збіты двума ракетамі ЗРК "Тор-М1"


Арганізацыя грамадзянскай авіяцыі Ірана выпусціла другую папярэднюю справаздачу аб авіякатастрофе самалёта "Міжнародных авіяліній Украіны" пад Тэгеранам, піша meduza.io.


Як паведамляе Bloomberg, у справаздачы сказана, што "боінг" пацярпеў крушэнне пасля таго, як у яго патрапілі дзве ракеты малой далёкасці класа "зямля-паветра", выпушчаныя з зенітнага ракетнага комплексу "Тор-М1".

У справаздачы гаворыцца, што пасажырскі самалёт вылецеў у 06:12 раніцы па мясцовым часе і страціў сувязь з дыспетчарамі на вышыні 8100 футаў (2469 метраў). У 06:15 "боінг" знік з другараднага радара назірання, у 06:18 - з асноўнага.

Самалёт упершыню даткнуўся з зямлёй у грамадскім парку. Затым лайнер разваліўся на часткі, рухаючыся праз футбольнае поле, бліжэйшыя сельскагаспадарчыя ўгоддзі і сады.

Іранскія ўлады прызналі, што не могуць расшыфраваць чорныя скрыні самалёта, заявіўшы, што бартавыя самапісцы збітага "боінга" - "адны з самых перадавых у свеце". Францыя і ЗША адмовіліся прадаставіць Ірану абсталяванне для расшыфроўкі, адзначаецца ў справаздачы.

Прэв'ю: vedomosti.ru

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».