Вы тут

Пахаванне прынца


Грабніца, якая датуецца перыядам праўлення дынастыі Тан (618-907 гг.), была знойдзена ў правінцыі Шэньсі на паўночным захадзе Кітая. Аб гэтым паведамілі ў правінцыйным інстытуце археалогіі, перадае «Жэньмінь жыбаа» анлайн».


На думку экспертаў, знаходка ў вёсцы Яньцунь новага раёна Сісянь гэтай правінцыі з’яўляецца пахавальняй Сюэ Шаа, першага мужа прынцэсы Тайпін, дачкі імператара Гаацзуна.

Археалагічныя раскопкі праходзілі са жніўня па снежань мінулага года. З-пад збудаванні вынятыя каля 120 помнікаў культуры, большасць з якіх з’яўляюцца размаляванымі пахавальнымі статуэткамі з керамікі.

Пры гэтым даследчыкі таксама знайшлі квадратную надмагільную пліту даўжынёй 73 сантыметра з эпітафіяй, якая ўтрымлівае 600 іерогліфаў. Яна распавядае пра радавод гаспадара грабніцы, яго пасады, прычыну смерці, час пахавання і спадчыну.

Грабніца, павернутая на поўдзень, знаходзіцца ў 23 км ад горада Чан’ань, сталіцы дынастыі Тан, якая сёння называецца Сіань (правінцыйны адміністрацыйны цэнтр). Яе даўжыня складае 34,68 метра, глыбіня — 11,11 м, распавёў навуковы супрацоўнік Лі Мін. Новае адкрыццё, паводле яго слоў, запоўнілі прабел у вывучэнні гісторыі дынастыі Тан. У гістарычных запісах, такіх як «Цзю Таншу» («Старая гісторыя Тан») і «Сінь Таншу» («Новая гісторыя Тан»), біяграфія Сюэ Шаа не была зафіксаваная. Знаходка таксама дасць магчымасць паглыбіць разуменне палітычнага і культурнага жыцця таго перыяду.

Выбар рэдакцыі

Грамадства

На Гомельшчыне актыўна развіваюць валанцёрскі рух

На Гомельшчыне актыўна развіваюць валанцёрскі рух

Форма сацыяльнай актыўнасці падлеткаў.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».