У Гродзенскі райаддзел міліцыі паступіла паведамленне ад жыхаркі адной з мясцовых вёсак: у яе прапалі зберажэнні. Жанчына 1959 года нараджэння заявіла, што хтосьці скраў 1500 долараў.
У ходзе праведзеных участковым інспектарам аператыўна-вышуковых мерапрыемстваў была атрымана інфармацыя, што да здарэння можа быць датычны пляменнік пацярпелай. Да крадзяжу 39-гадовы нідзе не працуючы мужчына вёў сціплы лад жыцця, а не так даўно стаў прыязджаць дадому ў сваю вёску на таксі.
Праваахоўнікі выбылі ў населены пункт і затрымалі фігуранта гісторыі. Пры вобыску ў яго было выяўлена 800 долараў і рублі, паведамілі ў аддзяленні інфармацыі і грамадскіх сувязяў УУС Гродзенскага аблвыканкама.
Аказалася, што ён меў доступ у дом сваёй цёткі, ведаў, дзе захоўваюцца зберажэнні, і ў адзін з дзён мінулага года скраў ключ ад шафы, пасля чаго здзейсніў крадзеж валюты.
Сяргей РАСОЛЬКА
Прэв'ю: t-l.ru
Мерапрыемства праводзілася на добраахвотнай аснове.
Не выявіць ні секунды абыякавасці.
