На беразе Свіслачы раніцай 19 студзеня выявілі труп мужчыны. Пра гэта агенцтву Мінск-Навіны паведаміла сведка. Інфармацыю пацвердзілі ў аператыўна-дзяжурнай службе Цэнтральнага РУУС Мінска.
Жанчына гуляла з сабакам недалёка ад гасцініцы "Беларусь" па набярэжнай Свіслачы. Цела мужчыны знайшоў гадаванец - труп ляжаў на сушы ў новага пешаходнага мастка, які злучае гасцініцу і Палац спорту. Мінчанка не раздумваючы выклікала "хуткую" і міліцыю.
Супрацоўнікі аператыўна-дзяжурнай службы Цэнтральнага РУУС пацвердзілі інфармацыю: знойдзена цела мужчыны, на выгляд прыкладна 30-35 гадоў.
На месцы здарэння працуе следча-аператыўная група.
Прэв'ю: МН
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
