Аператыўнікі аддзела крымінальнага вышуку Мінскага аддзела ўнутраных спраў на транспарце затрымалі расіяніна, які абакраў двух жыхароў Гродзенскай вобласці, што вярталіся дадому пасля падпрацоўкі ў Маскве.
Прапажу буйной сумы грошай і мабільнага тэлефона двое жыхароў Мастоў заўважылі толькі тады, калі сышлі з цягніка. Мужчыны адразу ж звярнуліся па дапамогу да супрацоўнікаў міліцыі.
Праваахоўнікі неадкладна сталі весці работу па пошуку зламысніка. І ўстанавілі, што да крадзяжу 83000 расійскіх рублёў і мабільнага тэлефона з зараднай прылада аказаўся датычны 33-гадовы жыхар Расійскай Федэрацыі, які прыехаў у сталіцу ў тым жа цягніку, што і пацярпелыя.
Паводле аператыўнай інфармацыі, раніцай, калі цягнік ужо пад'язджаў да сталічнага чыгуначнага вакзала, падазраваны шпацыраваў па вагоне. Заўважыўшы, што двое мужчын моцна спяць, 33-гадовы расіянін забраў у аднаго з іх кашалёк з грашыма, а ў другога -- мабільны тэлефон з зараднай прыладай, паведамілі ў МУС.
Устаноўлена, што ў сталіцу расіянін накіроўваўся з турыстычнай мэтай. Праваахоўнікам затрыманы растлумачыў, што выкрадзеныя ў мужчын грошы ён выдаткаваў на ігральныя ўстановы. Мабільны тэлефон і зарадная прылада ў яго былі канфіскаваны і перададзеныя законнаму ўладальніку.
Сяргей РАСОЛЬКА
Прэв'ю: tengrinews.kz
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
