Вы тут

Летась беларусы купілі ў аўтасалонах амаль 65 тысяч новых машын


Учора Беларуская аўтамабільная асацыяцыя агучыла вынікі продажаў аўтамабіляў мінулага года. Беларусы купілі ў аўтасалонах 64 504 новыя легкавыя аўтамабілі, пабіўшы ўсе папярэднія рэкорды. Бо ў 2018-м было прададзена на 22 % менш (52,8 тысячы новых аўто).


У першай пяцёрцы самых прадаваных марак невялікія змены. Расійская Lada ўсё ж выйшла на першае месца па агульным аб'ёме продажаў, зрушыўшы з верхняй прыступкі Renault. У лідара 16 281 прададзены аўтамабіль супраць 11 370 штук у другога месца. З такім вынікам Lada займае 27 % рынку. Volkswagen застаўся на трэцім месцы з паказчыкам 7258 аўто і ахопам 12 % рынку. Geely, нягледзячы на амаль двухразовы прырост продажаў у параўнанні з папярэднім годам, па-ранейшаму на чацвёртым месцы з вынікам 6894 аўтамабіляў. Але адставанне ад трэцяга месца не такое вялікае. Паколькі завод дамовіўся з банкамі на падаўжэнне льготных умоў крэдытавання, ён мае шанц заскочыць на п'едэстал гонару налета. Тым больш у айчыннага вытворцы ў лютым з'явіцца яшчэ адна мадэль красовера, якая павінна прыцягнуць новых пакупнікоў, але пра гэта пазней.

А самы прадаваны клас асобных машын у 2019 годзе — В (груба кажучы, бюджэтныя седаны). На яго долю прыпадае 46,7 працэнта ўсяго рынку. Зыходзячы з гэтага, цалкам лагічна, што лідарам продажаў стала Lada Vesta з паказчыкам 7585 аўтамабіляў. На другім месцы па папулярнасці — Volkswagen Polo (5804 машын). І на трэцяе месца (замест Logan) вырваўся Geely Atlas. Усяго наш завод летась прадаў 3320 красовераў гэтай маркі. У асацыяцыі такі паказчык назвалі вялікім дасягненнем для «БелДжы». У дзясятку самых прадаваных машын заскочыў сабрат Atlas — Emgrand X7, які рэзка набраў абароты: з 500 машын у 2018 годзе да 2237 у 2019-м.

Увогуле беларускі завод летась вырабіў 20 151 аўтамабіль, а ўсяго з яго канвеера сышло больш за 50 тысяч адзінак гэтай складанай тэхнікі. Дырэктар прадпрыемства «БелДжы» Генадзь Свідзерскі лічыць, што брэнд Geely імкліва набірае папулярнасць. Калі ў 2017 годзе аб'ём вытворчасці ў краіне складаў усяго 480 аўтамабіляў, то ўжо ў 2018-м ён вырас амаль у 10 разоў. Летась у завода новыя паказчыкі: 6894 Geely прададзена айчыннаму пакупніку. Завод умацаваўся на расійскім рынку, тут аб'ём продажаў склаў больш за 100 мільёнаў долараў. Акрамя таго, цяпер актыўна вядуцца перагаворы з прадстаўнікамі такіх краін, як Арменія, Казахстан, Азербайджан, Украіна, Сербія, Літва, Польшча і Таджыкістан.

Акцыянернае таварыства «БелДжы» мае намер у лютым гэтага года вывесці на рынак Беларусі новы красовер Geely SX11. На пытанне, ці пашыраць банкі на новую мадэль праграму крэдытавання з ільготным перыядам, Генадзь Свідзерскі адказаў: «Думаю, што так». Пры гэтым ён дадаў, што ўсё будзе вызначаць попыт.

Сяргей КУРКАЧ

Прэв'ю: shutterstock.com

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.