Вы тут

Унікальная аперацыя праведзена кардыяхірургамі 78-гадовай пацыентцы


Урачы рэнтгенаперацыйнай Рэспубліканскага клінічнага медыцынскага цэнтра ўпершыню ў Беларусі выканалі малаінвазійнае пратэзаванне аартальнага клапана 78-гадовай пацыентцы. Як расказала галоўны ўрач цэнтра Ірына Абельская, аперацыя была выканана з нагоды крытычнага аартальнага стэнозу з выкарыстаннем найноўшага балон-пашыральнага клапана Edwards SAPІEN (ЗША).


news.myseldon.com

Як паведамляе прэс-служба Міністэрства аховы здароўя, уся працэдура прайшла пад мясцовай анестэзіяй шляхам пункцыі сцегнавых сасудаў. Час умяшання склаў 130 хвілін (для параўнання: час класічнай кардыяхірургічнай аперацыі — каля 300—360 хвілін). Праз чатыры дні пацыентка была выпісана з добрым клінічным вынікам: сярэдні градыент ціску на аартальным клапане зменшыўся з 74 да 6 мм рт. сл.

Трэба адзначыць, што аартальны стэноз — гэта звужэнне аартальнага клапана, у выніку чаго ўзнікае перашкода току крыві з поласці сэрца ў аорту (найбуйнейшы крывяносны сасуд у арганізме). Часцей гэта сустракаецца ў людзей сталага веку: паводле статыстыкі, на умераны ці цяжкі аартальны стэноз пакутуе кожны восьмы пацыент, старэйшы за 75 гадоў. Асноўныя сімптомы гэтага захворвання фарміруюць класічную трыяду: страта прытомнасці (узнікае з-за недастатковага прытоку крыві да галаўнога мозга), стэнакардыя (боль у грудной клетцы), задышка (узнікае пры фізічнай нагрузцы).

Сітуацыя ўскладняецца тым, што пры з'яўленні сімптомаў стэноз аартальнага клапана ўжо мае выражаны характар: двухгадовая выжывальнасць такіх пацыентаў не перавышае 50 %. Радыкальным спосабам лячэння з'яўляецца пратэзаванне аартальнага клапана. На жаль, у 30—40 % пацыентаў традыцыйнае хірургічнае ўмяшанне не можа быць выканана з розных прычын.

Адзіная выратавальная альтэрнатыва — транскатэральная імплантацыя аартальнага клапана (працэдура TAVІ). Яе робяць пацыентам старэйшым за 75 гадоў, у якіх высокая хірургічная рызыка і цяжкія спадарожныя хваробы, а таксама аперацыі на сэрцы ў анамнезе, дэфармацыі грудной клеткі і падобныя паталогіі. У такіх сітуацыях доўгатэрміновыя вынікі TAVІ як мінімум не саступаюць вынікам адкрытага кардыяхірургічнага ўмяшання. У той жа час TAVІ захоўвае ўсе перавагі малаінвазійнай працэдуры, такія як меншая працягласць аперацыі, адсутнасць неабходнасці ў штучным кровазабеспячэнні, кароткая шпіталізацыя, непрацяглы рэабілітацыйны перыяд.

Алена КРАВЕЦ

Выбар рэдакцыі

Грамадства

У чым сутнасць вішынгу — аднаго з відаў махлярства

У чым сутнасць вішынгу — аднаго з відаў махлярства

З выкарыстаннем сацыяльнай інжынерыі. 

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Грамадства

«Прэферэнцыі, якія атрымалі вайскоўцы, абумоўлены выказанымі імі думкамі»

«Прэферэнцыі, якія атрымалі вайскоўцы, абумоўлены выказанымі імі думкамі»

«Армія — школа мужнасці, грамадзянскасці і патрыятызму». Паводле сацыялагічнага апытання, з гэтым сцвярджэннем згодны 86 п