Вы тут

Топ-10 дасягненняў беларускіх вучоных у галіне фундаментальных і прыкладных даследаванняў


Бюро Прэзідыума НАН Беларусі агучыла топ-10 дасягненняў акадэмічных вучоных у галіне фундаментальных і прыкладных даследаванняў.


Фота: unsplash.com

У дзясятку, у прыватнасці, увайшла распрацоўка высокаадчувальнага метаду распазнавання паталагічных клетак чалавека з выкарыстаннем біясэнсараў на аснове фатонных нанаструктур аксіду цынку для дыягностыкі анкагематалагічных захворванняў (над ёй працавалі навукоўцы Інстытута біяфізікі і клетачнай інжынерыі НАН Беларусі).

А распрацоўка калектыву вучоных Інстытута біяарганічнай хіміі была скіравана на стварэнне новага пакалення арыгінальных лекавых сродкаў, якія будуць спрыяць падаўленню пухлінных клетак.

Высокую ацэнку атрымала таксама работа аўтарскага калектыву Інстытута хіміі новых матэрыялаў НАН Беларусі і Беларускага дзяржаўнага медыцынскага ўніверсітэта — стварэнне біясумяшчальных порыстых матэрыялаў на пекцінах з зададзенымі фізіка-хімічнымі ўласцівасцямі і рэгуляванай хуткасцю біядэградацыі для трансплантацыі мезенхімальных ствалавых клетак.

У Інстытуце прыродакарыстання НАН былі ўстаноўлены бягучыя і доўгатэрміновыя трансфармацыі гідратэрмічнага рэжыму ў заходняй частцы Усходне-Еўрапейскай раўніны ў сувязі з глабальнымі змяненнямі клімату.

У Навукова-практычным цэнтры НАН Беларусі па біярэсурсах даследавалі генетычную гісторыю вялікага падворліка і ўстанавілі, што крытычнае падзенне колькасці віду ў пасляледавіковы перыяд на тэрыторыі Еўропы з'яўляецца вынікам уздзеяння неспрыяльных фактараў асяроддзя і не звязана са скарачэннем генафонду.

Аўтарскі калектыў навукоўцаў Інстытута радыебіялогіі НАН Беларусі і Беларускага дзяржаўнага медыцынскага ўніверсітэта трапіў у топ-10 з унікальным эксперыментам па выяўленні ўстойлівай залежнасці рэпрадуктыўнай здольнасці пацукоў-самцоў і іх шматлікіх наступных пакаленняў ад электрамагнітнага выпраменьвання мабільных прылад.

Калектыў аўтараў Навукова-практычнага цэнтра НАН Беларусі па харчаванні аказаўся ў дзясятцы за выяўленне маркераў прысутнасці ў харчовых прадуктах пальмавага алею і яго фракцый, якія дазваляюць гарантаваць бяспеку і якасць прадуктаў харчавання. А навукоўцы Інстытута гісторыі НАН Беларусі — за распрацоўку арыгінальнай канцэпцыі гісторыі беларускай дзяржаўнасці.

Узнагароджанне пераможцаў будзе прымеркавана да святкавання Дня беларускай навукі.

Надзея НІКАЛАЕВА

Загаловак у газеце: Высокая ацэнка

Выбар рэдакцыі

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.

Грамадства

«Дзякуй за вашу працу! Вы — героі на ўсе часы!» Як працуюць з COVІD-пацыентамі дзіцячыя ўрачы

«Дзякуй за вашу працу! Вы — героі на ўсе часы!» Як працуюць з COVІD-пацыентамі дзіцячыя ўрачы

Работа дзіцячых паліклінік, гэтак жа як і дарослых, змянілася з-за распаўсюджвання каранавіруснай інфекцыі.

Грамадства

Уступленне ў дарослае жыццё — як выхад у космас

Уступленне ў дарослае жыццё — як выхад у космас

Псiхолаг тлумачыць, чаму паўза пасля заканчэння школы — не трагедыя.