Вы тут

У Аршанскім раёне сёлета будзе дасягнута поўная забяспечанасць якаснай пітной вадой


Ён стане першым раёнам на Віцебшчыне, які дасягне гэтай мэты.


Як паведамляе БелТА са спасылкай на УП «Віцебскаблводаканал», цяпер у раёне гэты паказчык складае больш за 96 %. Сёлета на яго тэрыторыі плануецца ўвесці ў эксплуатацыю станцыі абезжалезвання ў населеных пунктах Якаўлевічы, Звёздная, Межава, Грышаны, Крапіўна, Заслонаўка, Задроўе і Стайкі, што дазволіць дасягнуць 100 %-га забеспячэння насельніцтва якаснай пітной вадой.

Работа па паляпшэнні якасці вады ахоплівае ўсе рэгіёны Віцебскай вобласці. Сёлета ў кожным раёне запланавана будаўніцтва ад адной да трох станцый абезжалезвання, усяго ж па выніках года плануецца ўвесці ў эксплуатацыю 43 такія аб'екты, што дасць магчымасць палепшыць якасць вады для 12,6 тысячы чалавек. На гэтыя мэты накіруюць каля 8,5 мільёна рублёў з рэспубліканскага і абласнога бюджэтаў.

Акрамя таго, сумесна з міжнароднымі кансультантамі пачалася падрыхтоўка тэндарнай дакументацыі для рэалізацыі інвестпраекта «Чыстая вада Віцебскай вобласці», праектнае пагадненне па якім у чэрвені 2019 года было падпісана паміж Еўрапейскім банкам рэканструкцыі і развіцця (ЕБРР), Віцебскім аблвыканкамам і УП «Віцебскаблводаканал». У адпаведнасці з ім у вобласці да канца 2022 года прадугледжваецца будаўніцтва «пад ключ» 80 аб'ектаў водазабеспячэння, у тым ліку стварэнне станцый абезжалезвання невялікай прадукцыйнасці і правядзенне мадэрнізацыі існуючых сельскіх водазабораў. Інвестпраект цалкам адпавядае прыярытэтам падпраграмы «Чыстая вада» дзяржпраграмы «Камфортнае жыллё і спрыяльнае асяроддзе» на 2016—2020 гады. Аб'ём інвестыцый складзе 15,5 мільёна еўра.

У 2019 годзе ў Віцебскай вобласці было ўведзена ў строй 45 станцый абезжалезвання і рэканструявана адна ў вёсцы Фарынава Полацкага раёна, што дазволіла забяспечыць якаснай пітной вадой каля 15 тысяч жыхароў рэгіёна. У цэлым гэты паказчык на 1 студзеня 2020 года склаўся па вобласці на ўзроўні 94,8 %. Да канца года яго плануецца павялічыць да 96,3 %.

Фота Таццяны Ткачовай

Загаловак у газеце: Чыстая, празрыстая, смачная...

Выбар рэдакцыі

Грамадства

Прыехаць за 30 хвiлiн. Як у аварыйных выпадках павiнны рэагаваць камунальнiкi

Прыехаць за 30 хвiлiн. Як у аварыйных выпадках павiнны рэагаваць камунальнiкi

У Беларусi дзейнiчае такi дакумент, як «Тэхнiчная эксплуатацыя жыллёвых i грамадскiх будынкаў i збудаванняў. Парадак правядзення».

Грамадства

Як у магiлёўскiх хлопчыкаў i дзяўчынак фармiруюць асновы крэатыўнага мыслення

Як у магiлёўскiх хлопчыкаў i дзяўчынак фармiруюць асновы крэатыўнага мыслення

Школа «Альфа+» iснуе ў Магiлёве ўсяго год, але ў яе ўжо ёсць пастаянныя наведвальнiкi.

Палітыка

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

Пра першы год жыцця Вярхоўнага суда ў новым будынку — Валерый Калiнковiч.

Спорт

СААЗ рэкамендуе займацца спортам у хатнiх умовах

СААЗ рэкамендуе займацца спортам у хатнiх умовах

Сядзячы спосаб жыцця i нiзкi ўзровень фiзiчнай актыўнасцi могуць аказаць негатыўны ўплыў на здароўе.