Вы тут

Дзіцячыя мары пра пуанты


Мне заўсёды здавалася, што амаль кожная жанчына калісьці марыла стаць балерынай. Я — дакладна марыла. Так і дзяўчынкі з балетнай школы Марыны Вежнавец у Мінску. Яны займаюцца ўжо два гады. «Але, каб стаць прымай, трэба яшчэ папрацаваць», — кажа іх педагог, вядомая балерына Тэатра оперы і балета Таццяна Уласень. І пачынаецца праца.


«Пятачкі наперад! Калені выгнуць! Батман-тандзю — і апусцілі. Усё праверылі, куды глядзяць локці. Гран-пліе. Левае плячо прыбраць назад. Тандзю ў пятую і рукі ў падрыхтоўчую пазіцыю. Рукі самастойныя».

Праз некалькі хвілін я разумею, што фотаапарат проста на мне вісіць і я ўжо не здымаю прыгожыя па-дэ-дэ, а сама спрабую зрабіць пліе, выцягнуць шыю як мага вышэй і, як кажа Таццяна Уласень, накрухмаліцца.

Справы каля станка скончаны. Наступіў час расцяжкі. Мамы і таты па чарзе пачынаюць заглядваць і назіраць за сваімі дзеткамі. Дзяўчынкі не рэагуюць, пакуль не даробяць свае практыкаванні на дыванах. Гучыць апошняя мелодыя, малыя хуценька збіраюцца і бягуць да бацькоў. Пачынаюць пераапранацца.

— Дзеці, якой павінна быць балерына? Як вы думаеце? — пытаю ў іх.

— Худая і павінна ўсё запамінаць... прыгожая і разумная, — наперабой адказваюць дзяўчынкі.

Вось такія яны — дзіцячыя мары пра пуанты.

Таццяна ТКАЧОВА

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Грамадства

«Прэферэнцыі, якія атрымалі вайскоўцы, абумоўлены выказанымі імі думкамі»

«Прэферэнцыі, якія атрымалі вайскоўцы, абумоўлены выказанымі імі думкамі»

«Армія — школа мужнасці, грамадзянскасці і патрыятызму». Паводле сацыялагічнага апытання, з гэтым сцвярджэннем згодны 86 п

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.