Вы тут

«Мастацкая літаратура» вярнула з небыцця гадавік «Далягляды»


У 2019 годзе «Мастацкая літаратура» вярнула з небыцця літаратурна-мастацкі гадавік «Далягляды». На 2020 год запланаваны новы выпуск.


Работа над збіраннем альманаха завяршаецца. Расказвае галоўны рэдактар выдавецтва «Мастацкая літаратура» Віктар ШНІП:

— Пад адной вокладкай сабраны творы паэтаў і празаікаў з розных краін свету. Усяго прадстаўлена 17 краін, 24 нацыянальныя літаратуры. У «Даляглядах-2020» — вершы, проза 47 аўтараў. Над іх пераўвасабленнем рупіліся 17 перакладчыкаў. Праўда, яшчэ, магчыма, сёе-тое дададзім. Наклад «Даляглядаў» не дужа вялікі. І, пэўна, далёка не ўсе ведаюць, што забытую некалі традыцыю мы ўзнавілі. Прыгадаем, што некалі Беларусь мела ў адначассе ажно тры перакладныя альманахі — «Братэрства», «Далягляды», «Ветразь». Над іх выданнем працавалі і «Мастацкая літаратура», і «Юнацтва». З пісьменнікаў укладальнікамі альманахаў, яго рэдактарамі выступалі Рыгор Барадулін, Артур Вольскі, Ванкарэм Нікіфаровіч, Валянцін Рабкевіч, Галіна Шаранговіч — пісьменнікі ў справе мастацкага перакладу аўтарытэтныя, вопытныя. Мо з часам усе са згаданых альманахаў вернуцца да жыцця?! Чаму б і не?!

У выпуску альманаха «Далягляды» за 2020 год чытач здолее зрабіць віртуальнае мастацкае падарожжа ў Германію, Дамініканскую Рэспубліку, Італію, Кубу, Кыргызстан, Кітай, Латвію, Польшчу, Пуэрта-Рыка, Расію, Сербію, Узбекістан, Украіну, Таджыкістан, Туркменістан, Францыю і нават Нігерыю. Літаратурная геаграфія ўражальная — Еўропа, Лацінская Амерыка, Азія!.. З асабліва прыемных сустрэч — і беларускае ўзнаўленне творчай спадчыны класіка латышскай літаратуры Яніса Райніса.

Мікола БЕРЛЕЖ

Загаловак у газеце: «Далягляды-2020»: ад Латвіі да Нігерыі

Выбар рэдакцыі

Грамадства

Нацыянальная акадэмія навук ініцыюе стварэнне народнага летапісу Вялікай Айчыннай вайны

Нацыянальная акадэмія навук ініцыюе стварэнне народнага летапісу Вялікай Айчыннай вайны

Навукоўцы звяртаюцца да кіраўніцтва абласных і раённых выканаўчых камітэтаў, устаноў адукацыі і культуры, грамадскіх арганізацый, усіх зацікаўленых грамадзян з просьбай разгарнуць работу па зборы ўспамінаў і фатаграфій удзельнікаў падзей Вялікай Айчыннай вайны.

Грамадства

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

З Леанiдам Левiным, славутым нашым архiтэктарам, мяне пазнаёмiў Генадзь Бураўкiн — яго даўнi, харошы сябра.

Грамадства

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Без мiлiцыi мы нiяк», — рэзюмаваў Прэзiдэнт Беларусi Аляксандр Лукашэнка падчас сустрэчы з мiнiстрам унутраных спраў Юрыем Караевым, маючы на ўвазе сiтуацыю з каранавiрусам. 

Грамадства

Чым сябе заняць на самаiзаляцыi?

Чым сябе заняць на самаiзаляцыi?

Урачы па ўсiм свеце запусцiлi флэшмоб #StayAtHome.