У НАН адкрылася фотавыстаўка «Бачу Беларусь такой» Уладзіслава Цыдзіка

Сёння ў Нацыянальнай акадэміі навук Беларусі адбылося адкрыццё фоавыстаўкі «Бачу Беларусь такой!» Уладзіслава Цыдзіка. 

Велічная і грандыёзная, старажытная і юная, зялёная і блакітная — такою бачыцца Беларусь нераўнадушнаму фотамайстру. 

Погляды фотааматара на нашу краіну зачаруюць гледача яе прыгажоцю і непаўторнасцю. Ён захоўвае Беларусь сапраўднай, той, якую большасць з нас ведаюць з маленства: знаёмай, роднай, блізкай.На здымках — унікальная прырода, старадаўняя і сучасная архітэктура, каларытныя беларускія твары. 

Адкрыццё фотавыстаўкі, прысвечанай Году малой Радзімы, у НАН Беларусі мае асаблівае значэнне. Навукоўцы таксама вельмі актыўна спрычыніліся да вывучэння і папулярызацыі археалагічнай спадчыны рэгіёнаў Беларусі, яе моўнага багацця.

Фотавыстаўка працягнецца і ў пачатку новага года. 

Ганна Занкавіч

Фота аўтара