Вы тут

Чаму не ўсе наймальнікі своечасова разлічваюцца з работнікамі


Прафсаюзы Міншчыны штомесяц вядуць маніторынг заработнай платы, яе ўзроўню, тэрмінаў і своечасовасці выплаты ў арганізацыях цэнтральнага рэгіёна. У адпаведнасці з Генеральным пагадненнем паміж урадам, рэспубліканскімі аб'яднаннямі наймальнікаў і прафсаюзаў яна павінна выплачвацца не радзей за два разы на месяц і не пазней 25-га чысла.


— Пры наведванні пярвічных прафсаюзных арганізацый асаблівую ўвагу звяртаем на адпаведнасць калектыўных дагавораў Пагадненню. Калі выяўляем парушэнні, затрымкі заробку, даём наймальніку рэкамендацыі, просім прыняць захады да выпраўлення сітуацыі і больш не парушаць правы і законныя інтарэсы работнікаў, — кажа загадчык аддзела сацыяльнага партнёрства і працоўных адносін Мінскага абласнога аб'яднання прафсаюзаў Аляксандр Юрчык.

Вядома, фінансава-эканамічная сітуацыя на прадпрыемствах і ў арганізацыях розная, што ўплывае на своечасовасць разлікаў. Некаторыя наймальнікі пераносяць тэрміны выплаты, напрыклад, на 26, 27, 28-е чысло месяца. У гэтым выпадку прафсаюзы таксама даюць ім пісьмовую рэкамендацыю пра адпаведнасць нормам Генеральнага пагаднення. Гэтыя абавязацельствы прапісаныя і ў абласным, тарыфных пагадненнях галіновых прафсаюзаў, у калектыўных дагаворах арганізацый. Некаторыя, напрыклад, даюць адказ, што з аб'ектыўных прычын не могуць захаваць тэрміны выплаты заробку. У іх заключаны дагавор на аплату тавараў, паслуг з партнёрамі, з якімі яны павінны своечасова разлічыцца, каб пазбегнуць штрафных санкцый. «Мы зноў пісьмова рэкамендуем, што трэба мяняць падыходы, бо да 25-га чысла людзям неабходна аплаціць камунальныя паслугі, пры затрымцы ім налічваецца пеня. Арганізацыі ідуць нам на сустрач», — канстатуе Аляксандр Юрчык.

Але ёсць і такія выпадкі, што людзі спраўна ходзяць на работу, а зарплаты не бачаць. Сярод хранічных даўжнікоў — Барысаўскі крыштальны завод, закрытае акцыянернае таварыства «Аэрамаш» у Мінскім раёне, сумеснае прадпрыемства «Івкон» у Валожынскім раёне. «Раней на гэтых прадпрыемствах працавала больш за 500 чалавек, а гэта члены прафсаюза, якіх мы павінны абараняць. Наймальнік стараецца выплаціць зарплату па частках за кошт продажу маёмасці, шукае іншыя магчымасці, — адзначае мой суразмоўнік. — Мы як прафсаюзы павінны патрабаваць, каб з людзьмі разлічыліся цалкам, таму што пры выплаце зарплаты ўзносы ідуць у фонд сацыяльнай абароны. Калі наймальнік не ўносіць іх, то работнік страчвае не толькі даходы, але і страхавы стаж, які ў далейшым уплывае на памер пенсійных выплат».

Мінскае абласное аб'яднанне прафсаюзаў цесна працуе з выканаўчай уладай, усе праблемныя пытанні, у тым ліку па выплаце зарплаты, выносяць на пасяджэнні Савета па працоўных і сацыяльных пытаннях, куды ўваходзяць наймальнікі, Аграпрамысловы саюз Мінскай вобласці, Рэспубліканская асацыяцыя прадпрыемстваў прамысловасці.

— Некаторыя прадпрыемствы знаходзяцца ў рэспубліканскай падпарадкаванасці, але змяшчаюцца на тэрыторыі Мінскай вобласці, а іх работнікі — члены прафсаюза. І мы абавязаны дапамагаць людзям, — упэўнены Аляксандр Юрчык.

Летась у цяжкім становішчы апынуўся Маладзечанскі завод металаканструкцый, некаторы час тут не выплачвалася зарплата. У калектыў выязджала кіраўніцтва Федэрацыі прафсаюзаў Беларусі, Мінскага абласнога аб'яднання прафсаюзаў, працавалі разам з выканаўчай уладай, і пытанне вырашылася станоўча.

Таццяна ЛАЗОЎСКАЯ

Прэв'ю: vitvesti.by

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.