30 кастрычніка, пятніца

Вы тут

Прайшла цырымонія ўручэння імянных пасведчанняў стыпендыятам Прэзідэнцкага спартыўнага клуба


У зале алімпійскай славы Нацыянальнага алімпійскага камітэта прайшла цырымонія ўручэння імянных пасведчанняў стыпендыятам Прэзідэнцкага спартыўнага клуба.

У 2020 годзе імі стануць 192 спартсмены і 72 трэнеры-выкладчыкі. Гэта прадстаўнікі 31 віду спорту. Сярод стыпендыятаў 157 атлетаў падымаліся на подыум найбуйнейшых міжнародных спаборніцтваў у сваіх узростах, 34 спартсмены будуць стыпендыятамі другі год запар, толькі сем з іх пагоршылі свае вынікі адносна мінулага года.


«Стыпендыя Прэзідэнцкага спартыўнага клуба можа стаць важнай прыступкай на вашым нялёгкім шляху ў свет вялікага спорту. Восем алімпійскіх чэмпіёнаў нашай краіны ўжо скарысталіся ёй, — адзначыў старшыня Прэзідэнцкага спартыўнага клуба Дзмітрый Лукашэнка. — Упэўнены, што сярод вас ёсць тыя, хто зможа папоўніць гэтыя пераможныя шэрагі. Напэўна, вы намецілі сабе самыя высокія мэты, і вас не трэба дадаткова матываваць. А вось падтрымка лішняй не будзе». Дзмітрый Аляксандравіч дадаў, што сярод цяперашніх удзельнікаў праекта рэкордная колькасць трэнераў, нягледзячы на юны па трэнерскіх мерках узрост (стыпендыятамі яны могуць станавіцца толькі да 41 года), хтосьці ўжо падрыхтаваў чэмпіёнаў свету. «Некаторыя з вас самі маюць вопыт заваявання сур'ёзных вышынь, аж да п'едэстала Алімпійскіх гульняў. Пераемнасць пакаленняў — залог пераможных традыцый. Менавіта таму мы аддаём асаблівую ўвагу маладым і перспектыўным трэнерам нашай краіны».

Памер стыпендыі залежыць ад месца, якое заняў спартсмен, і ад таго, ці з'яўляецца яго від спорту алімпійскім. Самая вялікая прызначаная гадавая стыпендыя на 2020 год — 16 800, мінімальная — 2 000 рублёў. Трэнеры атрымліваюць аднолькавую стыпендыю, якая прыкладна адпавядае значэнню сярэдняй стыпендыі спартсменаў на гэты год. Агульная сума стыпендый на 2020 год — 1 774 980 рублёў.

У цырымоніі ўручэння імянных стыпендый прынялі ўдзел першы віцэ-прэзідэнт НАК Віктар Лукашэнка, міністр спорту і турызму Сяргей Кавальчук, алімпійская чэмпіёнка па мастацкай гімнастыцы Марына Лобач.

Дар'я Лабажэвіч

Фота Ганны Занкавіч

Загаловак у газеце: Каштоўны ўклад у будучыя перамогі

Выбар рэдакцыі

Палітыка

Лукашэнка прызначыў новых памочнікаў Прэзідэнта Беларусі па Брэсцкай, Гродзенскай абласцях і Мінску

Лукашэнка прызначыў новых памочнікаў Прэзідэнта Беларусі па Брэсцкай, Гродзенскай абласцях і Мінску

Валерый Вакульчык, які з верасня гэтага года працаваў на пасадзе дзяржаўнага сакратара Савета бяспекі Беларусі, а да гэтага быў старшынёй Камітэта дзяржаўнай бяспекі, сёння прызначаны памочнікам Прэзідэнта Беларусі — інспектарам па Брэсцкай вобласці. 

Культура

Ірына Відава: Такіх мужчын, як Алег Молчан, адзін на мільён

Ірына Відава: Такіх мужчын, як Алег Молчан, адзін на мільён

Чвэрць стагоддзя разам, і ніколі не было сумна ці нецікава адно з адным.

Культура

Успамінаем Янку Нёманскага, які быў расстраляны 30 кастрычніка ў 1937 годзе

Успамінаем Янку Нёманскага, які быў расстраляны 30 кастрычніка ў 1937 годзе

Як знік працяг рамана Янкі Нёманскага «Драпежнікі», прысвечанага лёсу рабочых шклозавода