Вы тут

Як па-новаму будуць налічваць зарплаты бюджэтнікам?


З 1 студзеня 2020 года змяняецца сістэма аплаты працы работнікаў бюджэтнай сферы. Пры гэтым, як запэўніваюць у Міністэрстве працы і сацыяльнай абароны, памеры налічанай зарплаты (без прэміі) бюджэтнікаў, якія дзейнічалі на момант увядзення новых умоў аплаты працы, не знізяцца.


Што канкрэтна зменіцца?

— Аплата працы будзе ажыццяўляцца на аснове тарыфнай сістэмы, якая ўключае ў сябе базавую стаўку і 18-разрадную тарыфную сетку.

— Структура заработнай платы спросціцца.

— Будуць пашыраны правы кіраўнікоў дзяржаўных органаў і бюджэтных арганізацый па ўстанаўленні надбавак і даплат работнікам з улікам галіновай спецыфікі і вынікаў працы.

* * *

З чаго будзе складацца зарплата?

Зарплата бюджэтнікаў будзе ўключаць:

- аклад

- стымуляцыйныя (надбаўкі, прэміі) і кампенсацыйныя (даплаты) выплаты, а менавіта:

— надбаўкі і даплаты, прадугледжаныя заканадаўчымі актамі і пастановамі Саўміна (напрыклад, надбаўкі за працу па кантракце, за навуковую ступень і вучонае званне, даплаты за работу ў звышвызначаны час, у дзяржаўныя святы, святочныя, выхадныя дні, за работу са шкоднымі і (або) небяспечнымі ўмовамі працы і іншыя).

— надбаўку за стаж працы ў бюджэтных арганізацыях у наступных памерах ад базавай стаўкі пры стажы працы:

  • да 5 гадоў — 10 працэнтаў;
  • ад 5 да 10 гадоў — 15 працэнтаў;
  • ад 10 да 15 гадоў — 20 працэнтаў;
  • ад 15 гадоў і вышэй — 30 працэнтаў;

- прэмію.

У Мінпрацы і сацабароны адзначаюць, што магчымае зніжэнне некаторых памераў стымуляцыйных і кампенсацыйных выплат (напрыклад, надбаўкі за стаж працы ў бюджэтных арганізацыях) павінна быць кампенсавана ўстанаўленнем выплат, канкрэтныя памеры якіх будзе вызначаць кіраўнік арганізацыі.

Якія яшчэ выплаты прадугледжаны?

  • аднаразовая выплата на аздараўленне, якая выплачваецца работніку звычайна пры сыходзе ў працоўны водпуск з разліку 0,5 аклада;
  • аказанне матэрыяльнай дапамогі ў сувязі з неспадзяванымі матэрыяльнымі цяжкасцямі.

Пры гэтым канкрэтныя памеры, а таксама ўмовы выплаты прэміі і матэрыяльнай дапамогі будуць вызначацца палажэннямі, зацверджанымі кіраўнікамі бюджэтных арганізацый.

Святлана Бусько

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як новыя дасягненні вучоных паляпшаюць якасць жыцця і здароўя чалавека?

Як новыя дасягненні вучоных паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.