Праблемы гісторыі на старонках сучаснасці

НАГАДВАЕМ!

Тым, хто цікавіцца гісторыяй па-сапраўднаму!

Усім, хто хоча пісаць пра мінулае па-сучаснаму!

Школьнікам, студэнтам, магістрантам, аспірантам з ліку будучых гісторыкаў і журналістаў

Сур’ёзным навукоўцам і даследчыкам-аматарам

Рэдактарам і аўтарам

Часопіс “Маладосць” мае намер правесці жывы і максімальна актуальны “круглы стол” пад назвай і на тэму

“Праблемы гісторыі на старонках сучаснасці”

у якім плануе разглядзець наступнае

праблемна-тэматычнае поле

• Крытэрыі эстэтыкі новых публіцыстычных тэкстаў, прысвечаных старым часам; пошук стылю і выбар жанру;
• Сучаснае ўсведамленне гістарычных падзей: пагрэшнасці ўспрымання і іх прычыны;
• Духоўна-каштоўнасныя сэнсы і логіка інтэрпрэтацый;
• Актуалізацыя мінулага: сэнсы і роля;
• Рамантызацыя, дэманізацыя, міфалагізацыя і гейміфікацыя гістарычных падзей і асоб: ці апраўдваюцца сродкі мэтамі;
• Пафас як праблема перавагі формы над зместам; патрыятычнае як адмоўнае;
• Інтуітыўныя шляхі даследавання: новыя межы;
• Сумненне як матывацыя: праблема аўтарытэту і этыка абвяржэнняў;
• Пошукі чыстых крыніц: парады дылетантам.

Да разгляду прымаюцца арыгінальныя тэмы, якія маюць практычную каштоўнасць і могуць быць раскрыты ў вусным выступленні за 5-7 хвілін.

Актуальныя паведамленні ўдзельнікаў “круглага стала” будуць надрукаваны ў часопісе “Маладосць”.

Для ўдзелу ў “круглым стале” трэба да 15 студзеня 2020 года прыслаць на адрас vdsd@tut.by заяўку з пазнакай “круглы стол”. У заяўцы ўказаць:

• Прозвішча, імя і імя па бацьку;
• Месца працы/вучобы;
• Тэлефон і электронны адрас для сувязі;
• Назва паведамлення;
• Сутнасць паведамлення, выкладзеная ў тэксце да 1000 знакаў;

Дадатковая інфармацыя:

8-029-149-87-93;

8-017-316-97-09;

vdsd@tut.by

Галоўны рэдактар часопіса “Маладосць” Святлана Воцінава