Вы тут

Італьянскі садоўнік знайшоў скрадзены шэдэўр Густава Клімта


Аб карціне аўстрыйскага мастака Густава Клімта "Партрэт жанчыны" нічога не было вядома амаль 23 гады - з таго часу, як яе выкралі з галерэі сучаснага мастацтва ў італьянскім горадзе П'ячэнца, піша BBC. 


Мала хто верыў, што карціна, якая ацэньваецца ў 60 млн еўра, калі-небудзь будзе знойдзена.

Знайшлі яе зусім нечакана. Садоўнік, які счышчаў плюшч са сцяны ў галерэі - той самай, з якой знікла карціна, наткнуўся на жалезную панэль.За ёй выявілася схованку, у якой знаходзіўся мяшок з карцінай. Палатно перадалі паліцыі, і зараз высвятляецца яго сапраўднасць.

Дырэктар галерэі Масіма Ферары упэўнены, што знойдзеная карціна - не падробка, таму што пячаць і воск на яе адваротным баку сапраўдныя.

Паліцыя высвятляе, чаму выкрадальнікі схавалі палатно ў сцяне. Адна з версій - яны планавалі вярнуцца і забраць яе, калі спадзе ўвага сусветных СМІ. Крадзеж карціны стаў адной з самых гучных у тыя гады.

Карціну скралі 22 лютага 1997 года са галерэі сучаснага мастацтва Рычы Одзі, калі там ішла падрыхтоўка да выставы Клімта, цэнтральнае месца ў якой павінен быў заняць "Партрэт жанчыны".

Раму карціны знайшлі на даху галерэі. Гэта нібыта паказвала на тое, што зламыснікі праніклі ўнутр праз акно на даху. Але гэта было немагчыма, бо карціна проста не пралезла б ў вузкую адтуліну.

Выбар рэдакцыі

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.

Грамадства

Без чаргі і за лічаныя хвіліны. Як здаюць экспрэс-тэст на каранавірус

Без чаргі і за лічаныя хвіліны. Як здаюць экспрэс-тэст на каранавірус

З мінулага тыдня экспрэс-тэсціраванне на COVІD-19 даступнае ў многіх паліклініках краіны, у тым ліку і ў невялікіх гарадках і пасёлках гарадскога тыпу.