Міжнародная навукова-метадычная канферэнцыя "Дыстанцыйнае навучанне - адукацыйнае асяроддзе XXI стагоддзя" пройдзе 12-13 снежня ў Беларускім дзяржаўным універсітэце інфарматыкі і радыёэлектронікі.
Яна аб’яднае 350 педагогаў, вучоных і практыкаў дыстанцыйнай адукацыі з Беларусі, Расіі, Узбекістана і Украіны для абмену думкамі, абагульнення вопыту і абмеркавання праблем, звязаных з інавацыйным навучаннем, а таксама інтэграцыяй намаганняў па фарміраванні далейшай стратэгіі ўкаранення інфармацыйных тэхналогій у адукацыйны працэс.
Эксперты абмяркуюць тэндэнцыі і перспектывы развіцця дыстанцыйнай адукацыі ў Беларусі і за мяжой, выкарыстанне дыстанцыйных адукацыйных тэхналогій у навучальным працэсе, асаблівасці навучання на адкрытых адукацыйных платформах, павышэнне якасці падрыхтоўкі студэнтаў з выкарыстаннем дыстанцыйных адукацыйных тэхналогій і іншыя актуальныя пытанні.
У рамках канферэнцыі будзе арганізавана работы секцый: "Дыстанцыйная адукацыя: праблемы, тэндэнцыі, перспектывы", "Прылады, метады і сродкі дыстанцыйнага навучання" і "Інавацыйныя тэхналогіі ў адукацыйным працэсе падрыхтоўкі ваенных спецыялістаў".
У БДУІР дыстанцыйныя тэхналогіі развіваюцца пачынаючы з 2002 года.
- Мы імкнемся зрабіць дыстанцыйнае навучанне максімальна зручным, -- падкрэслівае дэкан факультэта інавацыйнай бесперапыннай адукацыі БДУІР Яўген ШНЭЙДЗЕРАЎ. – Накірункаў для яго развіцця сёння шмат. А запатрабаванасць такой формы атрымання адукацыі пастаянна расце. Дыстанцыйнае навучанне часта выбіраюць тыя, хто хоча атрымаць якасную вышэйшую адукацыю без адрыву ад работы, другую вышэйшую адукацыю паралельна з першай, і людзі, якім з прычыны іх фізічных асаблівасцяў цяжка перамяшчацца па горадзе. За апошнія чатыры гады вышэйшую адукацыю ў БДУІР на дыстанцыйнай форме атрымалі дзевяць чалавек з абмежаванымі магчымасцямі.
Цяпер на факультэце па дыстанцыйнай форме атрымання адукацыі навучаецца амаль 500 студэнтаў па найбольш запатрабаваных спецыяльнасцях ІT-профілю: “аўтаматызаваныя сістэмы апрацоўкі інфармацыі”, “інжынерна-псіхалагічнае забеспячэнне інфармацыйных тэхналогій”, “інфарматыка і тэхналогіі праграмавання”, “электронны маркетынг” і іншых.
Надзея НІКАЛАЕВА
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
