Вы тут

Святкаванне юбілею айчыннага кінаматографа пачалося з лекцый


Ціхай сапай беларускае кіно прыйшло да значнага юбілею: 17 снежня стварэнню інстытуцыі «Белдзяржкіно» пры народным камісарыяце асветы БССР споўніцца 95 гадоў. Каб даследаваць і прааналізаваць мінулае і сучаснасць нацыянальнай кінематаграфіі на «Беларусьфільме» і ў Акадэміі навук праходзіць двухдзённая навукова-практычная канферэнцыя, што аб’ядноўвае акадэмікаў і хіповых рэжысёраў, замежных кіназнаўцаў і айчынных кінадзеячаў.


На сённяшні дзень, 11 снежня, прыходзяцца лекцыі выключна запрошаных спецыялістаў з Масквы і Санкт-Пецярбурга, прысвечаныя больш агульным за нацыянальнае кіно пытанням. Урачыстае ж адкрыццё канферэнцыі — яна носіць назву «95 гадоў беларускаму кіно: гісторыя, сучаснасць, перспектывы» — адбудзецца заўтра ў Цэнтры даследаванняў беларускай культуры, мовы і літаратуры Нацыянальнай акадэміі навук. З вітальнымі словамі выступяць міністр культуры Юрый Бондар, дырэктар «Беларусьфільма» Уладзімір Карачэўскі, старшыня Беларускага саюза кінематаграфістаў Віктар Васільеў і іншыя. Цягам дня ў форме пленарнага пасяджэння ў Акадэміі навук і круглага стала на кінастудыі будзе прачытана 48 дакладаў, на любы густ.

Перад слухачамі выступяць беларускія кіназнаўцы і кінакрытыкі Антаніна Карпілава, Людміла Саянкова, Максім Карпіцкі; рэжысёры Вольга Дашук, Мікіта Лаўрэцкі, Вячаслаў Нікіфараў; дырэктар Музея гісторыі беларускага кіно Ігар Аўдзееў, праграмны дырэктар кінафестывалю «Лістапад» Ірына Дзям’янава, прадстаўнік Майстэрні сацыяльнага кіно і прадзюсар Канстанцін Варабей. Выступоўцамі будзе ахоплены беларускі кінематограф і яго кантэкст, яго гісторыя і сучасныя з’явы, ігравое, дакументальнае і анімацыйнае кіно. 

Арганізатарамі канферэнцыі выступаюць Цэнтр даследаванняў беларускай культуры, мовы і літаратуры, Міністэрства культуры і кінастудыя «Беларусьфільм». Расклад мерапрыемстваў можна знайсці на сайце Акадэміі навук nasb.gov.by

Ірэна КАЦЯЛОВІЧ

Прэв'ю: zags-oodms.ru

Выбар рэдакцыі

Грамадства

Валанцёры супраць каранавіруса: адзін дзень з жыцця мінскага хаба ByCovid19

Валанцёры супраць каранавіруса: адзін дзень з жыцця мінскага хаба ByCovid19

Запушчаная кампанія па дапамозе медыкам ByCovid19 перарасла ў буйны «антыкаранавірусны» рух.

Культура

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Гэта была сенсацыя: у 2018 годзе быў паказаны страчаны фiльм Дзiгi Вертава.

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.