Вы тут

З аптэк адазваны некаторыя лекі ад язвы страўніка


З аптэк Беларусі адазваны прэпараты, якія ўтрымліваюць раніцыдзін. Гэта таблеткі раніцыдзін-акос і ранігаст. Яны выкарыстоўваюцца для лячэння язвы страўніка і іншых хваравітых станаў. Пра гэта паведамляе Рэспубліканскі цэнтр экспертыз і выпрабаванняў у сістэме аховы здароўя.


Раней Еўрапейскае медыцынскае агенцтва і Упраўленне па кантролі прадуктаў харчавання і лекавых сродкаў ЗША ініцыявалі ацэнку прэпаратаў, якія ўтрымліваюць рэчыва раніцыдзін. Іх цікавіла, ці ёсць там канцэрагенныя прымесі, бо ў невялікай колькасці там ужо знайшлі N-нітразадыметыламін. Гэтае злучэнне (па-іншаму NDMА) пасля даследавання на жывёлах класіфікуецца як «злучэнне з магчымымі канцэрагеннымі ўласцівасцямі». Прымесь сустракаецца ў некаторых прадуктах і вадзе, хоць, паводле пэўных звестак, не нясе шкоды пры прыёме ўнутр у невялікай колькасці.

У цэлым раніцыдзін падаўляе секрэцыю салянай кіслаты і выкарыстоўваецца для лячэння і прафілактыкі язвавай хваробы страўніка, дванаццаціперснай кішкі, рэфлюксэзафагіту і іншых хвароб.

Цяпер ініцыявана добраахвотнае прэвентыўнае адкліканне з беларускага рынку такіх прэпаратаў ад двух вытворцаў — Курганскага таварыства медпрэпаратаў і вырабаў «Сінтэз» (Расія) і Рhаrmасеutісаl Wоrks РОLРHАRMА S. А. (Польшча). Гэта таблеткі раніцыдзін-акос і ранігаст.

«З прычыны адсутнасці сёння на тэрыторыі Беларусі іншых пастаўшчыкоў лекавых сродкаў, якія ўтрымліваюць раніцыдзін у таблетаванай форме, часова рэкамендуецца пры новых прызначэннях выкарыстоўваць альтэрнатыўную тэрапію — фамацыдзін ці прэпараты групы інгібітараў пратоннай помпы», — растлумачылі ў Цэнтры экспертыз.

Для прызначэння альтэрнатыўнай тэрапіі варта звярнуцца да ўрача.

Алена КРАВЕЦ

Прэв'ю: zagranitsa.com

Загаловак у газеце: Шкодныя таблеткі

Выбар рэдакцыі

Грамадства

Прыехаць за 30 хвiлiн. Як у аварыйных выпадках павiнны рэагаваць камунальнiкi

Прыехаць за 30 хвiлiн. Як у аварыйных выпадках павiнны рэагаваць камунальнiкi

У Беларусi дзейнiчае такi дакумент, як «Тэхнiчная эксплуатацыя жыллёвых i грамадскiх будынкаў i збудаванняў. Парадак правядзення».

Грамадства

Як у магiлёўскiх хлопчыкаў i дзяўчынак фармiруюць асновы крэатыўнага мыслення

Як у магiлёўскiх хлопчыкаў i дзяўчынак фармiруюць асновы крэатыўнага мыслення

Школа «Альфа+» iснуе ў Магiлёве ўсяго год, але ў яе ўжо ёсць пастаянныя наведвальнiкi.

Палітыка

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

Пра першы год жыцця Вярхоўнага суда ў новым будынку — Валерый Калiнковiч.

Спорт

СААЗ рэкамендуе займацца спортам у хатнiх умовах

СААЗ рэкамендуе займацца спортам у хатнiх умовах

Сядзячы спосаб жыцця i нiзкi ўзровень фiзiчнай актыўнасцi могуць аказаць негатыўны ўплыў на здароўе.